الوفاء كرت محروق

الوفاء كرت محروق

السلام عليكم / مساكم الله بالخير

متواضعه لي ،، أقبلوها بتواضعها

‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘

ياشينها لاصرت ، تسعى لمخلوق=وفجأه كذا تصدمك ، مـُـر الحقيقه
أنام وأصحى ، وأرجع أنام وأفوق=وطيف الحزن يبلع ، من العام ريقه
أعيش يومي ،، بين ضايق ومخنوق=وعجزت أحصّـل ،،للسعاده طريقه
تدري وش أللي ، يذبح الحـُـب والشوق؟؟=طعنة ظهر عاشق ، تجي من عشيقه
الغدر دايم ،بين عاشق ومعشوق !=أشنع جريمه ، في مشاعر رقيقه
صار الوفاء في هالزمن كرت محروق=وصار الرفيق اليوم ،، يغدر رفيقه
وصارت تشابه لحظة اغروب واشروق=هم الصبح ، لاجا المساء ،، صار ضيقه
وحتى الأمل ،، في هالزمن صار مسروق=كل ٍ ، في نفسه ، والبشر في حريقه !!!
الوقت مايرحم ،، ولايعطي احقوق=والحظ ميت ،،والحقيقه غريقه
عندي خبر حصري ، حقيقي وموثوق=وعندي عليه أوراق ،، وعندي وثيقه
تبي تكون أنسان في قمة الذوق؟؟=أكذب ونافق ،، لاتقول الحقيقه
وتبي تكون أنسان تافه ومطفوق ؟؟=أصدق ،، وتصغر في عيون الخليقه
من لامني ، لاشافني حيل مخنوق=لاخانته دنياه ، نسمع شهيقه

وسلامتكم

المصدر: الملتقى الجماهيري للشاعر محمد بن فطيس المري