حلقات اجتماعيه توعويه تناقش قضايا بالمجتمع !!!

حلقات اجتماعيه توعويه تناقش قضايا بالمجتمع !!!

هنا سنقضي شيء من المرح مع الفائده
!!حلقات مع القضايا الاجتماعيه !!!
بشخصيات الأعضاء
كتغير للروتين
اتمنى ان لااحد يزعل من الأدوار مهما كانت!!!
راح افرجكم على الفكره اذا اعجبتكم نكمل
البدايه مع عائلة
عامر
وتتكون من
والده ..العضو حمد الدوسري
ووالدته... الفلوه
واخته...عاليه
واخوه الكبير..الودعاني
عائلة عمه
التي تتكون من
العم...ناصر ال سعد.
زوجة عمه..فراشه
ولد عمه..الشدادي بدر
وبنت عمه..روابي
واصدقاءه
اهات الجروح ..والعالمي

نبدأ الحكايه
عامر يسكن مع عائلته
في بيت شعبي
حمد الدوسري ابو عامر رجل مكافح ارهقته الحياه>>>
فهو مزارع يعمل في مزرعة العائله منذ شبابه>>>
وامه الفلوه التي عانت في تربيت اولادها كثيرا
أم عصاميه جدا ..
اخته عاليه بنت مجتهده ولكنها
تحب ان تعيش بطريقتها الخاصه دايم تناقر عامر وتزيد الطين بله !!!
الودعاني الاخ الاكبر موظف وعنده عائله ومستقل عن اهله

بداية الحلقه (1)

الفلوه طفشانه من ولدها عامر كسول وعاطل عن العمل
تخرج من اربع سنوات وجالس بالبيت
مشاكله صارت كثيره ونفسيته زفت في زفت !!

مع الأحداث...والحوارات >>>




....الام عامر وين سرت ابيك تروح البقاله تجيب لنا ملح وسكر وزبادي
لاطول فمصع رقبتك !!!

عامر! تمصعين رقبتي ليه دجاجه قدامك وإلاسواق كل
يوم تودينه وتجيبينه اقول روحي انتي
وبنتك خليها تجيب لك من البقاله اللي تبغينه
(لاتشرهون عليه ماعاد عنده بايعها بلاش ههه ماتشوفوه يبكي )
الفلوه.امه اقول الله يصلحك قوم والا علمت لأبوك
عامر والله انك فاضيه تهدديني بـــ بوي كل شوي
خليه في مزرعته مااستفدنا منها شي
الحال شين والبيت شعبي وكل يوم ناط فالنخل كنه سوسة النخيل الحمراء
يالله اناطالع مع الشباب..خليتيني بس هندي عندكم
(اعذروه نفسية البطاله شينه )

عاليه..اقول وين بتروح مع نفسك انت وجهك روح جب الأغراض مو على كيفك
جالس من اربع سنوات تنافخ تحسب بس انت اللي مالقيت وظيفه امش ولايكثر
والله فارويك شغلك جالس بس مثل البنت مامنك فايده على الأقل
خلك هندي ازين لك وظيفه موقته عندنا انت وجهك
تبيني اروح البقاله يالفاهي بنت ترى موولد اروح للبقاله !!!
عامر!!اقول عاليه لايكثر انتي وجهك مااحد بيطالع بخشتك
انتي تفكرين انك بنت انتي وجهك ولد وزين بعد بس ولد ولعبت فيه الشموس .
روحي انتي وجهك
بتجلسين عله بحلق بوي وهذا وجهي
(. حرام والله كسر خاطر البنت من جد بس نعذره عاطل )
عاليه...اصلك فاشل تبي وظيفه وانت جايب
تقدير جيد روح بس راعي وزينه فيك خذ حلال الجيران وسر راعي احسن لك !!
(ياحليلك ياعامر هو للبطاله والا لعاليه يلاقيها منين والامنين)
عامر..انتي عليه مع الظروف واللعانه اللي انا فيها لاوظيفه لادخل
وصل عمري 30 سنه وانا ماكونت نفسي ام الحاله الزفت
اسرق ان سرقنا دخلنا السجن
اجل بالله كيف نعيش ياعالم ياهوه انا عامر راح انجن


والده حمد..اقول ياعامر خلك رجال وتعال
ساعدني في المزرعه وخلك من السربته.. والتذمر والتشكي
هذا هي العيشه رضيت
والا مامعك الامامعك !!! لين يفرجها الله
خذ ياعامر الفاس ورح المزرعه واعمل وخلك رجل شديد !!
عامر !!انت تتكلم من جد انا ادرس واتخرج وفي
الأخير اصير مزارع وين انت عايش يبه حتى مزرعتك ماتأكل عيش!!
شف حالتنا يالله يالله نحصل الفكه.
.اقول انا سارق سارق بنك والا محطه والا سوبر ماركت!!!
(والله الولد ناوي يخربها خربانه خربانه)
حمد الدوسري الوالد ... الله يصلحك ياولدي عشنا بلا وظايف ماسرقنا
ولامدينا ايدينا لأحد
عامر...هذاك اول كل شي بلاش مو مثل هالحزه المويه بفلوس
ومافيه حاجه الابفلوس
الصبر زين ياعامر والدنيا تاخذ بالهون
عامر..اي هون يبه صرت امشي مثل السلحفاه ّّ
(معه حق اربع سنه عاطل مشكله اي سلحفاه ياعامر الا مثل الحيوان الكسلان)
والده حمد الباب يدق شوف من
على الباب اكيد سربوت مثلك ماعنده
لاشغل ولامشغله
(تحطيم من جد مافيه مراعات
المشاعر والاحاسيس الشيبان ماعندهم ههههه الشيبان مافيه ياامه ارحميني)
عامر..اللي يسمعك يبه..يقول الراجحي على غفله
والارجل اعمال مكون نفسه من الصفر حدك مزارع سرت
مثل السوسه الحمراء خربت النخيل
( ماعليش اعصابه تعبانه تعرفون بطاله عذره معه قدرووو النفسيات )
زميله على الباب


العالمي!!!
عامر.ارحب يالعالمي جيت في وقتك والله نبي نطلع طفشان
العالمي. الله يسلمك البقا.والله وابشر بالونس والفله ياولد .
. راح اعرفك على ناس يخلونك هاي هاي
(عزالله بيدهويه العالمي راح فيها المسكين ههههههه)
عامر !!تسلم يابو الشباب والله انك احسن من
ذا المزارع وذي الطباخه حاطيني هندي
جب رد
(ماعليش عدوها متذمر من نفسه موبس من امه وابوه هههه)
العالمي..اقول مشينا ياعامر وش رايك اعرفك
على واحد كبير يعني راح تستفيد منه
بالعباره الصريحه تهريب ؟؟؟؟
عامر!!!!تهريب خرفان
العالمي!! وشو خرفانه انت وجهك مااشره عليك
ابوك خبلك بالمزرعه والخرفان وياليتها سمان الا
حدها ميته من الجوع !!
عامر !! طيب قلي وش تهريبه لاتورطنا يرحم والديك
العالمي !!تهريب كلش اللي يعجبك سلاح حبوب كل هذي تعطيك فلوس !!
عامر ..فكنا والله ماراح اهرب اتعب اتعب وفي الأخير
سجن مؤبد روح مني زين
(مالومه السجن شين)
العالمي ..اجل ابتبطي عظم انت وجهك خلك مغامر
لازم تعيش والا تبي تعيش طوال عمرك تاخذ مصروفك من بوك
وياليته مصروف 500 ريال بالشهر ..
(والله حاله 500بــ الشهر وش تسوي
عامر اي والله يالعالمي حتى ماكونت نفسي وماراح
افتح بيت ولا راح اسمع كلمة بابا طوال عمري !!
العالمي اجل اسمع كلامي وخل قلبك قوي من خاف ماعاش !!
(راح فيها عامر ههههههه )
عامر!! طيب توكلنا على الله ومن خاف جلس ميت طول عمره !! اعقلها وتوكل!
( فاهم المثل غلط ماعليش يعيش قوقعة البطاله)
وصل عامر والعالمي للراس الكبير



اللي هو
اهات الجروح..
(الله ينعاني منك ياعامر طحت وماحد سما عليك كان جلست هندي ازين لك )
عامر !!السلام عليكم..كيفك طال عمرك الله يرج بليسك يالعالمي وش هالمصيبه!!
العالمي..اقول خلك رجال وسر مع الرجاجيل خل قلبك قوي.
شوف الفلوس بس
في يده يلعب بها لعب

عامر ..يالله يالله ماقلنا شي
بس والله وجه هالمهرب يخرع
العالمي...وش عليك من وجه بتزوجه انت وجهك هذا رجال
احمر العين!!
(الله يصلحك يالعالمي اي احمر العين الامصيبه ومجرم خالص)
اهات الجروح.اقول خذ السلاح ذا وهربه للمدن بس انت وشطارتك ياعامر
ان امسكت مالنادخل فيك وياويلك وياسواد ليلك ان خبرت عنا
راح تكون حياتك في خطر!!


اخذ عامر السلاح ..
وبدأ يهوجس مع نفسه وخايف يمسكونه..
.عامر
ااااه من اللي حدني اروح واطاوع
هالمجنون العالمي
(مااحد قاله لك اصبر وتحمل يامفتول العضلات رونا شجاعتك الحين)
ولد عمه ..بدر الشدادي
يتصل عليه...الوه عامر وينك وين ايامك تعال قابلني نبي نطلع سوى
بالاستراحه الشباب ينتظرونك مسوين عشا ووناسه!!
(اي وناسه راح فيها عامر سار مهرب صغير الله يرحمه بس)
عامر ارحب يابو الشباب والله انا ماني في المدينه طلعت
توني ماشي من ساعه
وش تبي داق عليه
(والله وبدت ملامح الاجرام في صوته ماعاده عامر )
بدر اقول وش فيك تنافخ تعال وخلك من اللعب وين طالع ماقلت لي!!
عامر !!وليه اقولك استاذن منك اقول لاعاد تتصل غثيتني ماني فاضي لك!!
(والله وبدأ ينبت له ريش من الحين اقول لايكثر مردك سجن الحائر )
بدر !!!طيب الشرهه على اللي اعطاك وجه!!

مر اسبوعين وعامر سارشبه محترف بالشغله
(اي محترف الا منحرف)
اخذ عمه ناصر ال سعد يسأل عن عامر كونه خطيب بنته روابي!!
(مسكينه ترملت بدري)
ناصر ...يدق على حمد الدوسر والد عامر...
الوووه اقول ياحمد وين عامر مااشوفه
معلق بنتي لاهو اللي تزوجها ولاهو اللي فكها!!
(اي يتزوجها ويفتح بيت انهيتوا حياة البنت انت وياه)
حمد الدوسري..يامرحبا ياناصر والله مدري وين طس هالولد
له اسبوعين ماندري وينه وحافز توه مسجل
فيه وتعبوه بالطلعه والنزله وكلها الفين وش تسوي
بواحد وصل عمره 30 سنه والله ياناصر خلها على ربك!!
ناصر..
اسمع ياحمد شوف ولدك انا ماراح
اتحمل اكثر من كذا يايتزوج البنت يايتركها!!
حمد..والله ياخوي الولد ماعنده ريال بتزوجه بلاش!حنا اهل!!
(حلم ابليس بالجنه اي يزوجه بلاش راح يخليه فاضي الجيوب والديون كابسته)
فراشه.. زوجة عم عامر ام روابي !!
تدق على ام عامر الفلوه..
الوووه ام عامر وش حالك اقول وش في عامر ماله حس والا مايبي روابي
ترى بنتي يتمناها الف واحد ماوقف حظها على عامر
وش فيه متخبي
(كل الامهات ذي كلمتهم ماعندهم غيرها )
الفلوه ام عامر..لاوالله ياخيتي ماله حس والا انه
يعز روابي ماراح يلاقي احسن منها!!
جمال وادب...
فراشه..ايه احسب والله ..
اشوفك على خير!!
الفلوه.. الله معك ياخيتي..

عامر اصبح مهرب لكن حرس الحدود تراقبه!!
واصبح تحت المراقبه..
(هذا اللي كنا خايفين منه ياعامر ماودك تصير
سواق عند امك اجل ابط عظم بالسجن)

عامر... يكلمه العالمي
العالمي.. الووه عامر اقول الجوازات تلاحقك حاول تهرب وإلا شوف لك دبره
بس لاتجيب اسم الراس الكبير
راح ياخذ روحك فهمت...

عامر..اقول موبكيفكم تورطوني وتخلوني دبروني
ماراح اتحمل السجن مستحيل ادخله مستحيل


نتابع وش صار لعامر
في الجزء الثاني قريبا


انتظروني
عاليه

المصدر: الملتقى الجماهيري للشاعر محمد بن فطيس المري