من يبني أحلامه على عاتق الغير --- مثل الذي يصحى على اخر نهاره

من يبني أحلامه على عاتق الغير --- مثل الذي يصحى على اخر نهاره

قبل اكتب أبياتي وأزور الجماهير --- شفت الخطيه من صحيح العباره

يا يبست ارياقي على شفة البير --- الموت تاره والأمل فيك تاره


وكثر الترقب والرجاء والتفاكير --- مثل الهشيم اللي يبيله شراره


الآدمي مايطلب المجد ويصير --- تحقيق حلمه من بداية قراره


ولا للقدم غير العنا والمشاوير --- على يمين الدرب ولا يساره


وكثر الصدف ماعودتني على خير --- وتهميش وقتي سبب اكبر خساره


واحلامي اللي سطّرت بالطباشير --- زاحت عن الوقت القديم الستاره


كنت اعشق الدنياء وانا توي صغير --- وكرهتها كره البدو للحظاره


وحامت بي سنيني مثل حومة الطير --- اللي فقد عشه وضيّع دياره


وخلتني اعرف وش ثمن عكسة السير --- وان الجهاله ماتسمى شطاره


ومن يبني أحلامه على عاتق الغير --- مثل الذي يصحى على اخر نهاره

المصدر: الملتقى الجماهيري للشاعر محمد بن فطيس المري