مبطي وانا اعيش الشقا واسهر الليل

مبطي وانا اعيش الشقا واسهر الليل

السلام عليكم // مساكم الله بالخير جميعاً

متواضعه جديده ،، إقبلوها بقصورها

‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘

مبطي وانا آعيش الشقا وآسهر الليل=مجني علي ، وآصبحت مجرم وجاني
اقدع عنا ، واشرب همومي فناجيل=والوقت الأقشر ، سم جرحه سقاني
الوضع نفسه ، ماحصـل فيه تبديل=كم لي وأنا أحلم وآتأمل ، وآعــــاني
ولا تحقق غير ،، حــزن وغـــرابيل=ضاعت سنيني ، ياسراب الأمـــــاني
أحد ٍ جفاه النوم ، ودموعه تسيل=وأحد ٍ تلذذ في منـــــامه ، وهــاني
يموت حلم ، ويمسح الدمع منديل=يعيش جـــرح ، ويستقر فالمحـاني
على كثر ماشفت ضيق وتهـــــــاويل=آضحك ، ورجلي فوق غــارب زماني
ماينحني راســي ،، ولا أهّتز وآميل=ومازعزعت ريح العـواصف كيــاني
بي عزة ٍ ، ترقابي الجدي وسهيل=ومن عادتي ، مابيع منهو شراني
ياللي شكيت الهم والضيق والويل=عمر الفرج ماجاك من شخص ثاني
طب المواجع ، فالدعاء والتهاليل=إدع الذي بامره ، تسير الـثــواني
يعيش جيل ويندثر ثم يجي جيل=يثبتلك إن العمر لو طال ، فاني

وسلامتكم
،

المصدر: الملتقى الجماهيري للشاعر محمد بن فطيس المري