ليه الغرور ؟!

ليه الغرور ؟!

أعزائي القائمين على هذا المنتدى الجميل,, إدارةً و أعضاءً و زواراً

السلام عليكم ورحمة الله و بركاته

يشرفني التواجد بينكم في هذا الصرح الثري

وسأضع هذه القصيده بين أيديكم كأوّل مشاركه لي هنا عسى أن ترقى لذائقتكم




ليـــــه الغـرور؟!



بكتب قصيدي علّ تسعفني السطور
و اكثر عتابي جوركــم يا اهل الزمـن


الصدر ضايــق والمشــاعر بي تفُـور
وش حيلتي شفت المصايب و ارْتوَن


ليــه التكبّـر.. و التفــاخر.. و النفـور
نتـرك حضارتنـا وْ عراقتنــا لِ مَــن؟!


ليه التبــاهي صرنـا مــا نلقـى سرور
مـن ويـن مـا نـمشــي تقابلنـا الفِتَـن


حتّى الشوارع صــارت أشبه بالقبور
أبطالهـا مــوت وْ اصـابـات وْ كِفَـــن


هـذا يسابق قال تثْني بـي الحضــور
مــا تدري انّ الموت أسْبـق للبــدَن.!!


وش ذنبه اللـي ماسـكٍ خـطّ العبـور
تهْديهِ مـن ظلـمك اعاقـات وْ حِـقَـن


وش ذنْـب طفْـلٍ تـوّه بْعمْر الـزهور
كم من بيــوت بْطيشكـم اتْيتّــمـــن


يا نـاس كِفّوا واللـه دْموعــي تثــور
لا شفْت رَبْعـي صـار يبكيهـم وطَـن


واللي توهّـم مـن حـلا ذيك الخصور
يَكْسر خِطـاه وْ يسْتفـزّ اللـي رِكَــن


ينشر تقاسيمـه علــى مَـرّ الدهــور
يا كثْرِ ما يخْفــى ورا خضْــر الدّمَـن


وش قدّرك مسكين تَحْمل هالفجور
رجّح ضميرك لِ الورى تصْبح فَطِـن


يا صاحبي ما هكذا تُجزى النحــــور
ليتك تخاف اللي رسَم فيك الحسِن


بُكْرَه جمالك ينْعدم ليــــه الغرور؟!
أصْلك و فصلك طينِ ما يسْوى ثمَن




بقلم/ سعيد البلوشي

المصدر: الملتقى الجماهيري للشاعر محمد بن فطيس المري