من باب تقدير المحبه والاحباب - الملتقى الجماهيري للشاعر محمد بن فطيس المري

#1 01-06-2013, 01:24 PM

السلام عليكم

متواضعه ،، افتحوا قلوبكم لها

‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘ ‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘

من باب تقدير المحبه والاحباب
ومن باب مابيني وبينك كلافه

ومن باب بعض الحب والشوق غلاب
جيتك وله , ماجيت ذل وضعافه

ومن باب لازم تعذر الشخص لاغاب
من غاب يعلن , رجعته وإعترافه

ومن باب من يكرهك يجرح ويغتاب
رفعت نفسي عن علوم السخافه

صار الخطا لاجا , يجي ماله أسباب
والذنب صار اليوم , سهل إقترافه

ليت الجروح اللي تجينا , من أغراب
كان إختصرنا فالهموم المسافه

أكره ماشوف ، الشخص لاصار كذاب
وأبغض ماشوف اهل الحسد واللقافه

واللي عليه القلب ، يوله ، ولاتاب
ذنبه يبيه ،، وغيره اليـــوم عافه

من دون موعد جاه ، مُنهك ومنصاب
واقف على شاطي غلاه ، وضفافه

ياوجد حالي وجد غافل , ولا تاب
اللي قطار الوقت , عدى وطافه

حتى المكان اللي دفن سر الأصحاب
أسمع صدى صوته يردد حسافه

وسلامتكم
،

المصدر: الملتقى الجماهيري للشاعر محمد بن فطيس المري

الذين يشاهدون محتوى الموضوع الآن : 1 ( الأعضاء 0 والزوار 1)