ياركني الهادي تراني نصيتك,,ودي اعبر عن خفايا شعوري..ركني الهادي

ابيات متفرقة لي لعلها تروق لكم ..

مجتمعنا للأسف ينبذ النقد الصحيح
والصراحة مالها في ركونة منزلة
كان تبغى تصير فالمجتمع ناقد صريح
كل مبدأ نقد وسط الصراحة كنسله


ياقربها قرباه ساعة فراقك
ياللي على الفرقا تبي تحدني حد
قلي على درب الجفا ويش ساقك
يوم اني اعطيك الوصل وانت تجحد

#شهر_ابريل
فارق عن عيوني ترا منت فارق
منته بلاقي لك معزة وتدليل
صدقت ياقلبي كلام المفارق؟
كل الذي قلته ترا كذبة ابريل

ياطالب البعد بشّر قلبك بحاجة
وصلك بدنياي والله ماهو بلازم
لو كان نار الجفا فالجوف وهاجة
لكن قلبي على قطع الرجا عازم

ودعتني فترة وعودت مكسور
واليوم قلي ليش عودت قلي
صحيح من روحت ماني بمسرور
لكن مالك فيّ عرق ن يهلي



تقييمكم لها ..