عشرين عام

عشرين عام

بسم الله الرحمن الرحيم

السلام عليكم ورحمة الله
وبركاته
يسرني ان اصافحكم بهذه القصيده
وكلي امل ان ترتقي لنيل اعجابكم

عشرين عام


يامـن جعلت الليــل للنـــاس راحــــه // وايضــا جعلـت الناس لازم ينـامـون

انت العلـيــــــم بكل قلب وجــــراحــه // تدري ولا غيرك عن الحــال يـدرون
ارحــــم ســـهير ٍحيلته في صياحه // يرجي رجا اللي خلف الاسوارمسجون

عشرين عـام ٍما اهتنى في امــراحـه // والناس فـي نـوم ٍ عـميـق ٍ يغـطـون
اســــــهر الين الليل يـاتـي صبــاحــه // واقضي نهاري بين الاحزان مدفون

يـاوجـد روحي وجـد راعي افــــلاحـه // البير جف وحــــــالهـا دون في دون
دينه ثقيل وصـــــار همه وشــــــاحـه // عدى ثلاث ســـنين ماطـالـع مـزون

والا صويب ٍ عند خصمه مـطــــــاحـه // صاحوا عليه وقـاموا اعداه ينخون
طـريـح خـــــالي من يدينه ســـــــلاحه // والـمعــركه مابين طاعن ومطعون

باســـــــبـاب هـــــــم ٍ بالحنايا رمــاحه // مـايـعـلـمه غير انت ياوالي الكون
ياعين هــــاتي مابقــى مـن قـــــــراحه // لاتذخــرين اللي بالاحداق مخـزون

لاضـاق صدري بالــدموع انشراحه // ذي حيلة اللي من شقا البين محزون
يـاقلــب يـاللي طـــــال قـــاسـي كفاحه // اصبرعسى الله يـفرج الهم وتهون

المصدر: الملتقى الجماهيري للشاعر محمد بن فطيس المري