غزليه و عتاب

غزليه و عتاب

بسم الله الرحمن الرحيم

مساكم الله بالخير ومبارك عليكم الشهر

هذي القصيده سبق وان نزلتها فالمنتدى ولاكنها حذفت ولا ادري وش السبب ولا بأي حق تحذف وبدون علمي عن سبب حذفها
وهذا المنتدى الشامخ الذي اسسه علم من اعلام الشعر وجد ليخدم القصيده ايً كانت او ايً كان صاحبها ماهوب عشان تحذف القصيده ولا تنقل بدون اي مبرر لفعل ذلك
و أرجو الا يحصل مثل ذلك فالمرات القادمه
لما في هذا الامر من تشويه لسمعت المنتدى وسمعت صاحبه
وحن لولا غلا صاحب المنتدى ما حرصنا ع الرٌقيّ به
ارجو الا يفهم كلامي خطأً
وشكراً


البارحه مالي بحلو الكرى شف
سهران يوم مريح البال غافي
سبة هواجيسً علي تعقد الحلف
لا راح واحد جاتني بالالافي
على الذي بيني ومن بينها ولف
بنتً سنافيه وابيها سنافي
كن العيون السود لاجيت اوصف
عيون حرً لابرق الريش شافي
سلهامها زرق المزاريج و الشلف
ضافيً هدبها مثل ريش الغدافي
وخده كما براق مزنً تكاشف
وله مبسمً تزهاه بيضً رهافي
ومزمومة النهدين مزبورة الردف
منها مرض قلبي وفيها التشافي
استغفر الله لو تمشى بصفصف
تصبح ربيعً عقب ماهي جفافي
تليتني تلت صعابً تعسف
وتقطعت منك العروق الصخافي
ومالي جدا كون اصفق الكف بالكف
وهل دمع العين من حر مافي

وسلامتكم

المصدر: الملتقى الجماهيري للشاعر محمد بن فطيس المري