رحت ابي أداوي علتي ماسكن دور

رحت ابي أداوي علتي ماسكن دور

.

رحت ابي أداوي علتي ماسكن دور
@ جنب غرفة الدكتور جالس لحالي




بالاستراحة غصب جالس ومجبور
@ انطر يجي دوري ... ولاني إنعزالي




يدي على خدي تقل شخص مسطور
@ مظـروس والاوجاع فوق إحتمالي




غفيت غفوه من الوجع فاقد اشعور
@ وصحيت من نومي بميلة إعقــالي




مرت تمشى شويش قالتلي بنجور
@ أهلا وسهلا مين . . . قالت ليالي




إسمه ليالي , بـــدر خده يشع نور
@ لو ما إجهرتني بنورها ما أبالي




غصب إلتفت بحسنها صرت مبهور
@ حسن وجمال (ن) ما خطر في خيالي




قالت تفضل نفحصك قلت محذور

@ شوفي لي غيرك يفحصن ياحلالي




قالت شنو محذور يا خي انت معذور
@ صدقني ماكو شخص يفحص بدالي




عفوا يدكتوره انا أريد دكتور
@ ما أريد شوف إعيونكن يالغوالي




قلبي ضعيف . . وخاطري حيل مكسور
@ وأدخل على الله من الجهل والضلالي




والحمد لله ما بعد صرت مخطور

@ غيري لي الموعد إذا في مجالي




ما أريد دكتوره انا أريد دكتور
@ وخليني أروح أشوف أم العيالي

........

للشاعر / محمد الـمـطـرفـي


.

المصدر: الملتقى الجماهيري للشاعر محمد بن فطيس المري