دخل على الله

دخل على الله

ادخل على الله لا تزيد ابي الطعون ***حدتني الدنيا على بابك وجيت

حركني ابن فطيس وجريت اللحون ***اللي لحنها هيّض ابنص الونيت

الحال دون ولا تجي فيها بدون***تكفى معي تسمي ليا مني سميت

مد الجوانح جعل حظك ما يهون***افزع معي ورقا ليا مني رقيت

راعي الوداع اللي عزف فيّ الشجون***يومه جزم درب المفارق ما حكيت

كله سبب ناسً بقربه يحسدون***سويت نفسي عن هوى حبه سليت

قدامهم عادي وهم في ينظرون***وانا مثل نارً تلافح ما طفيت

يلفح بها النسناس من بين الشطون***اصبر لصبري صابرً لو احتميت

الله كتب لي اعرف اللي يبحثون***الزله اللي من وراها ما هقيت

اللي ورا الزلات صارو يلهثون***مغلّثً تبطي تهدّم ما بنيت

اللي ليا جت للمواقف يجحدون***ودك تجمعهم وسط غرفه فليت

اظنهم من قبلهم يتخنّقون***كلن يقول انا تكلمت وعصيت

وش هالبشر وش عندهم ما يشعرون***قلوبهم مكاينً من دون زيت

اشوفهم يوم اتكلم يشرون***واواصل الهرجه على اني ما دريت

ودي اطالع نفسي وش هم ينظرون***بشوف زلاتي وش اللي به عَديت

يمكن انا مخطي وهم ما يكذبون***لكن عيني شافت الحقد وعزيت

ادري يرون ولكن انهم ما يرون***قلوبهم مابين شريا و السبيت

ناسً على النمات صارو يلتهون***يالله سترك ضَفّني كان ابتليت

ابعدت عنهم كلها زود الظنون***وزوّد العله غلا من هو بغيت

اللي مثل عيني تغطيه الجفون***اعما ما شوف الا هو اليا من غفيت

الذوق قربه مير بُعده وش يكونِِِِِِِِِ****ما ذوق طعمٍ لطعام اللي كليت

ماني مع العالم ولو هم يضحكون***اشقيت نفسي بالشقا وانا شقيت

قصايدي به كلها بالاي فون***املاحظاته كلها به بيت بيت

حدتني الدنيا وجريت اللحون***حدتني الدنيا على بابك وجيت

شف لي طريقه جعل حظك ما يهون***افزع معي ورقا مدامني رقيت

الشاعر محمد نور جريبيع الداموكي الرشيدي

المصدر: الملتقى الجماهيري للشاعر محمد بن فطيس المري