اليكم

اليكم

انفطر سمعي ولا حصلت لي سماعه=يالله المعبود صبرها على مافيها

والبلا في جوف قلبي زاد فيه اوجاعه=والمصايب من على راسي وطت رجليها

لا بغيت اسج كن في داخلي ولاعه=تشتعل وتشب روحي والبلا غاشيها

الجسد والنفس وعروق الحشا ملتاعه=والبلاوي ترتكي فوقي وانا ما ابيها

يعلم الله كني اللي ماسكٍ رضاعه=يرضع من هموم ذولا الناس ويداريها

ما قويت اشل حملي يوم هد ذراعه=لكن الماطور في جوفي كشف ماضيها

يا حليل الكلمه اللي جاتني مرتاعه=من زمان الضيم وانا ادور لحاضيها

راكب اللي ما بعد غير وفك ذراعه=ورده عبد اللطيف وقيمته حاميها

والعلامه من تيوتا واسرفت ببداعه=لا شلع صفيرته تاخذني بطاريها

شاص متكامل وحس الليث جوف اضلاعه=والبدي يسلب عيون الناس ثم يعميها

نص مرسولي على اللي زاكيات اطباعه=ما مشا في زلةٍ والناس ما يذيها

راعي الوقفات من هد السبق باسناعه=لا حضر في ساعة الهيه تسيد فيها

قل له ان قلبي تفطر والبلا في قاعه=والعنى من فوق راسي سطوته مرخيها

والسبب فرقا هنوفِ حللت مزاعه=تمزع الشريان والصمام جوف ايديها

لحظها مثل الوحش له سطوةٍ بتاعه=صابت عروق الجسد برموشٍ اتقديها

والخصر لا مال مالت روحي الزواعه=والمواري كلها ياويش با يوفيها

سلم المرسول واقبل صوبنا في ساعه=وانتبه لا ترقب المدات من راعيها

حالتي من جور ما فيها غدت طواعه=عقب ما كان العناد وغيها غاشيها

المصدر: الملتقى الجماهيري للشاعر محمد بن فطيس المري