نسانيس

نسانيس

قلبـي ولـو تجلـده لـه كـثـر الاشــواق
ويصير فـي كبـر السـمـا لــه حنيـنـه
مـا يعتـرض دربـه بعـد حظـه انـسـاق
ولا لـــه الا الـصـبــر ..... والله يـعـيـنـه
ادري الصبَر يعني على قلبي ارهاق
زودٌعـلــى شـــوق وحـنـيــن وغـبـيـنـه
لـكــن لـــي مـبــدأ تحـتّـمـه الاخــــلاق
ويحتّمه حـــــبٌ تـحــالــت سـنـيـنــه
وانا من اللي لو تصل يبـس الاريـاق
ما حـــاد عـــن مـبــدأ يـوافـقـه ديـنــه
صحيـح ساقتنـي نسانـيـس عـشّـاق
جالت عـلـى قلـبـي وشـقّــت بطـيـنـه
ساقتـنـي لبـحـرٍ بـــه الـمــوج صـفّــاق
بحرٌ بـمـدّ الـشـوف ومــن غـيـر ميـنـه
وساقت لي اللي كلمته تلفـت اعنـاق
صدفه تقـابـلـنـا بـنـفــس السـفـيـنـه
واثره بحـر شرعـه علـى شـوق وفـراق
وأكثر زبـايـنــه الـقـلــوب الـحـزيـنـه
شـــرعٌ يـنـاقـض كـــل عـهــدٌ ومـيـثـاق
يفْرق بسـلـطـانـه ظـنـيــن وظـنـيـنـه
خرجـت مـنـه وكـلـي كـسـور واعــواق
وفارقت مـــن خـلّـيـت قـلـبـي رهـيـنـه
قده الوحيد اللي وصل قـاع الاعمـاق
حتى بـنـى لــه فــي فضـاهـا مديـنـه
نقش حـروف اسمـه علـى كـل معـلاق
وفي ناصـيـة قلـبـي مشـيّـد عـريـنـه
اللـي جمـع فـوق الدلـع حلـو الأذواق
وان جـات عنـد الثقـل مـا احـدٍ وزينـه
قلـبـي عـلـى حـبـه عـقـب طفقـتـه راق
قابض على الحــبــ وتـلـحــف يـديـنــه
مانـي بناسـي ضحكـةٌ كلهـا اشــراق
وأول مـطـالـع شمـسـهـا نــــون عـيـنــه
وطيفـه رفيـقـي وان تغنـيّـت مشـتـاق
عساه خـالـي بــال ومـالـي سكـيـنـه
وانا على صبـري لـو القلـب مـا طـاق
يالله تـعـيــن الــلـــي نــوايـــاه زيــنـــه


لي...الريح

المصدر: الملتقى الجماهيري للشاعر محمد بن فطيس المري