« آخـــر الـــمـــشـــاركــــات » |
|
|
أدوات الموضوع | انواع عرض الموضوع |
|
#1
|
|||||||
|
|||||||
غيم
همّال غيم الجروح معذّب جفونها=ما توقف امطاره الا يرجع المقفي انظر عيون المها والغيم من دونها=من كايد الحزن احسّب نونها مطفي وش لون يا احبابها وش لون تنسونها=الصدّ ما هو جزاة العاشق الترفي ذيك الخدود المضيئه ختّ عرجونها=اللي من اول مجرد شوفها يشفي وعلّم الحزن بدموعه على وجونها=في ودّها ما يبان وكيف له تخفي يشدني شئ لها في نظرة عيونها=شئٌ وعيّته وابد ما يجهله عرفي شئٌ كذا من خصوصيات مكنونها= حتى ولو لم تصرح به ولم تنفي اشياء فيها كثيره راح مضمونها= وما باقي الا القليل وما بقا يكفي آثار من كبرياء وروعة جنونها=وعزة النفس ويّا غرورها الصلفي كأنها القلعة اللي انهدت ركونها=من عقب كانت ملاذ وبهوها يدفي النصف انقاض ما ناسٌ يعدونها=والا لسقوطٍ وشيكٍ آئل النصفي وتبقى دلالة شموخ ولو يخلونها =اصحابها كلهم والجار والحلفي ما ني بناشد حياتك يالمها اشلونها=الحزن فصّل لها ثوبٌ بها يضفي ولا تنشديني ويكفي النفس مخزونها=انتي تشوفين غيم الجرح في طرفي بكتب عباره واخلِي الناس يقرونها=الحزن دايم على موعده لي يلفي |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
Rss Rss 2.0
Html
Xml Sitemap SiteMap
Info-SiteMap
Seo By RaWABeTvB_Seo