ما يصح إلا الصحيح

ما يصح إلا الصحيح

.


جيتني مكسور خاطر واسترحت

لك ثلاث أيام من حزنك طريح

ويوم راح الضيق عنك وين رحت

رحت للي جيتني منّه جريح

من كثر ما أحبك بعينك لمحت

شخص ثاني وأصبح إحساسي صحيح

جبت لك طاريه وآشوفك سرحت

مع خيالك في خيالك يا مليح

صح انا في شوفتك والله فرحت

ما دريت انك تجيني تستريح

الأكيد أني كشفتك وانفضحت

وانقفل بابٍ يجيني منه ريح

في جهازك كم قريت وكم مسحت

لا تبرر موقفك خلك صريح

الخيانة واضحة مهما شرحت

لا تدور عذر للفعل القبيح

أرحل وخل المحبة لو سمحت

والله انه ما يصح إلا الصحيح

كثر ما حبك بلا ذنب انجرحت

لين ضاق بعيني الكون الفسيح

وكثر ما سوي تراني ما ربحت

الزمن طبعه معي جداً شحيح

كنت فوق وصرت يا خوان تحت

وكل لحظه وأنت من عيني تطيح

-

فهد بن صنهات الديحاني


.

المصدر: الملتقى الجماهيري للشاعر محمد بن فطيس المري