قصة غلا

قصة غلا

هذي القصيده من كلماتي وهي مجاراة لقصيدة الشاعر سعد الخريجي عشق بدوي والتي تغنى بها الفنان خالد عبد الرحمن
جرح الزمن ماهو مثل جرح الاحباب*
جرح الغلا ياويل منهو سطا به
جرح الزمن يمكن تداويه الاطباب*
وجرح الغلا ياوين نلقى طبابه
ياخوي قلبي من غثاء الحب منصاب*
كل مايزود البعد زاد التهابه
يفز قلبي كل ماشفت الاحباب*
واشعل فتيل الشوق واسرج ركابه
افز فزة حر لاشفت الاهداب*
وانسى همومي كلها والكآبه
الحب ما حشم طويلين الاشناب
الحب بلوى ويل منهو ابتلى به
سجلتها قصة غلا داخل كتاب*
قصة جريح يشتكي من عذابه
الحب مايعرف قريبين واجناب*
إن مابدا بالموت ولا انتهى به*
قلبي من الفرقا صويب (ن) ومرتاب*
قلبي غدا نصفين من حر ما به
الي هجرني اهجره واقفل الباب*
واعزف على فرقاه بعود وربابه
الغدر جرح ماتداويه الاعشاب*
يقضي على العاشق وهو في شبابه

المصدر: الملتقى الجماهيري للشاعر محمد بن فطيس المري