انا لا قلتي شلونك وانا ضايق اقوول بخير ....قصيده روعه

انا لا قلتي شلونك وانا ضايق اقوول بخير ....قصيده روعه

أخليكم مع القصيده


انا لا قلتلي شلونك وانا ضايق اقول بخير
مدامك سائل(ن) عندي أكيد ان ضيقتي راحت

انا من كثر ماأحبك أشوفك في عيوني غير
تضيق النفس من غيرك ولا من شفتك ارتاحت


أحبك كثر ماتطري في بالي وتشغل التفكير
كثر ماأشيلك بعيني وناس(ن) منها طاحت

أحبك كثر ماأسمح خطاك ان خانك التعبير
كثر ماخانت الرفقه ابكت من اسرارها وباحت


أحبك كثر صقار(ن) تولع في محبة طير
كثر مادلة الطيب بريحة هيلها فاحت


أحبك كثر ماأحس بشعور اني عليك أغير
كثرماأزيح هالغيره عن افكاريولا انزاحت

احبك كثر مالك داخلي حب وغلا وتقدير
كثر ماغبت عن عيني ودموع مفارقك ساحت


تصدق من عرفتك صرت أحبك واكره التغير
وانا الي كنت أعشق كل نجمه بالسما لاحت


تأكد كل ماتسأل عن احوالي أكون بخير
مدامك سائل(ن) عني أكيد ان ضيقتي راحت

وسلامتكم

المصدر: الملتقى الجماهيري للشاعر محمد بن فطيس المري