خيل القصايد

خيل القصايد

خيل القصايد

هذه القصيدة كتبها الشاعر مواساة لزميله الذي اصابه مصاب شديد من الدهر


ملاحظه : نرجو ممن لديه خبره ان ينسق لنا القصيدة

خيل القصايد دون سرجاٍ ولا لجام=أطلقتها في وسط بيدا الرجولـــه
من ريف نجرانٍ سرت من بلد يام=يامٍ هل الفزعات وأهل البطولـــه
تسري على النجم الذي في السما حام=دليل من ضيع طرايق وصوله
تحفر حوافرها على خطها أعلام=خطاٍ لمن أطلق وارها خيولـــــــه
خيالها حساٍ صدوقاٍ من الـــــعــــام=دفاق صدقاٍ مقحماتٍ سيولـــــــه
يلفي على اللي نور وجهه له وسام=رجل المواقف منبري للحمولــه
رجلٍ كريمٍ له من العزه حــــــزام=وعينه لبراق المعالي تطولـــــــه
وأشهد شهادة حق مع بصمة بهام=أنه نبيل وللمراجــــــل ميولـــــــه
يا بو علي الدنيا بها حلواٍ وســـــام=ولابد فيها دولةٍ بعـــــد دولــــــه
متقلبه و العز للخلــــــــق مـــــا دام=تقوم دوله في أثر نسف دولــه
ثم المنايا ثم للخالق قيــــــــــــــــــام=وكل الخلايق معجماتٍ ذهولـــه
تطوى السما والأرض ذلا وإلــزام=في يد جبار السما وإنتهوا لـــــه
تخضع نواصيهم وصاروا له أقزام=في يوم حشر العالمين إسجدوا له
يا صاحبي ما قدر الله لنا قــــــــــام=وسهم القدر مسرع دقايق وصوله
مايدفعه كيد الليالـــــــــــي وليــــــام=ولو أن البشر دون القدر جيشواله
ويا سالم إن الضيق ميزان لحجـــام=كلن على حجمه ولو حجموا لــــه
بعض العرب قامه وهيئات واجسام=والعقل كنه في سنين الطفولــــــه
متسربلاٍ ثوب النقا والتحشــــــــــام=وفجأه عن العليا يباشر نزولـــــه

المصدر: الملتقى الجماهيري للشاعر محمد بن فطيس المري