رثاء بن لادن لشاعر سداح

رثاء بن لادن لشاعر سداح

السلام عليكم ورحمة الله وبركاته
رثاء أسامه بن لادن
للشاعر الكبير سداح العتيبي

اضحى نهار اليوم مستنكر النور
مضفي عليه الليل دامس ضلامة

كان يترنم فيه تغريد عصفور
لين اخلف الترنيم نوح الحمامة

لا واهني اللي من الخلق مسرور
مامره الطاري وكدر منامة

الى متى ياخاطري وانت مكسور
مدري متى تستوعب الابتسامة

لا تحسب اني ميت احساس وشعور
املك من الاحساس ذروة سنامة

دار الزمان وجات الاحداث بالدور
من يسقط الريس ليسقط نضامة

واللي يجي ويروح في مشة الزور
علم ٍ علية من الحسايف علامة

مقتل زعيم القاعدة والخبر شور
هذا ماجاء بخطاب براك اوبامة

اعلن خبر موته وصرح على الفور
والبيت الابيض بشره بالسلامة

قال ابن لادن مات والحق منصور
بمداهمة قدام يربط حزامة

والخاتمة في غبة البحر مقبور
اليابسة عيت لا تدفن عضامة

ماهي لنا ياقايد الغرب دستور
للحي والميت نصون الكرامة

والصورة اللي جابها شاهد الزور
مزيفة بالمشلح وبالعمامة

عز الله انه كان مخطي ومعذور
ورغم اختلاف الراي علي مقامة

منوخ اميركا بشلفا وساطور
وياما غزاها فوق ضهر النعامة

واحد وهز جيوش طابور طابور
لو ماتعده من رجال الزعامة

جاهد طغاة الارض والحال ميسور
صاحب فدى ماهوب صاحب فخامة

عساه بالجنه عن النار ماجور
عند الولي مثواه يوم القيامة

ان مات اسامه ياهل الضلم والجور
في امة الاسلام مليون اسامة

وسلامتكم

المصدر: الملتقى الجماهيري للشاعر محمد بن فطيس المري