بيض النوآيـــــــــــــــآ,,,صوت وصدى

بيض النوآيـــــــــــــــآ,,,صوت وصدى

أسين ياعزمٍ جذبني من اقصاي=وأسين ياطاري العزاوي بجابر
وأسين ياطرفٍ قذا النوم واشقاي=وأسين ياقلبٍ على الجرم صابر
محمود يامحمود مادراك بادراي=يا والله اللي ما خطتني المعابر
في لازم الغالين باواجه عداي=عجلٍ على الخدمه وللدرب عابر
ماهمني من كان شمّات رغّاي=لوه على دربي جعل له منابر
لين أنكشف ماكان بالغيب واصلاي=واصبحت قدام الغوالي مكابر
اثره حسبني مرتشي زاد من داي=واصبحت يامحمود للجرح شابر
كونه عميق حير الطب بدواي=واصبح كحيل العين للقلب قابر
لوّه درا ان بيض النوايا مطاياي=ماكان سواها سليل الاكابر
ولوّه تريث ماتعجّل ببلواي=ماكان صرنا اليوم مدبر ودابر
محمود انا بعطيك جملة وصاياي=هذا كلامي وانقله وانت خابر
وخلك عطوفٍ نبرتك نغمة الناي=لاتجرحه بالصوت حذرا تنابر
وقله ترا برق الجفا شار بالراي=وده يشوف الناس برى العنابر
الله زرع فيه الوفا دون ذراي=والناس يالمجمول تبقى مخابر
كمّا شريته يوم اهو جاك شراي=وكمّا حفظته يوم للكسر جابر
وقله يروّح جعل ما جاه ينصاي=وجعله بدربه ما يلاقيه غابر
وانا على دربي ولا تقصر خطاي=في خدمة الغالين دايم مثابر

صدى الشآعر الكبير محمود آل مخلص::

السلام عليكم والرحمه
أسند علي الشاعر المميز عبدالله ال اباالطحين قصيده
واتشرف في وضع ردي بين اياديكم
،،،،،،،،،،،،،،،،،،،،
قمت بتغير القافيه والبحر بعد ماخذيت اذن الشاعر عبدالله في ذلك
،،،،،
على طعنة الرمح المسنن وضرب السيف
وعلى رمية البندق وتنويع الأهدافي

أحاول أحدد موقفي والخبر تكليف
صحيح الهدف بين ورمي الهدف كافي

عوايد هل الفزعه لمنّه لفاهم ضيف
يسوقون غالي المال في واجب الّلأفي

تراحيب ودلالٍ يدورون فيها الكيف
ويمنىٍ تسوق الطيب وقلوبٍ إنظافي

هلا بك هلا ترحيب مافيه شك وزيف
ياعبدالله بن صغيّر الشامخ الوافي

جوابك لفاني والمعاني لها تصريف
من الراس للقرطاس والطيب ميقافي

لما لاح براق الحيا في مزون الصيف
فلا هو لزوم إن يرتعي كل من طافي

وزرقاء اليمامه شافت اللي بعد ماشيف
وبعض البشر علته في وسط الأنجافي

يحرف علوم الطيب والمرجله تحريف
ولحجام تعرف كانت إثقال وإخفافي

لو إن المدير اللي معه خطة التوظيف
فصل كل فردٍ ماعرف بعض الأعرافي

وعن تجربة الأيام يبقى المنيف منيف
ويبقى الجبل ثابت ولو هو سفى السافي


تحيآتي

المصدر: الملتقى الجماهيري للشاعر محمد بن فطيس المري