عشاق .. قلي : ويش . !؟ أو .. ليش . !؟ عشاق . ! - الملتقى الجماهيري للشاعر محمد بن فطيس المري

#1 05-27-2011, 03:15 PM

عشاق .. قلي : ويش . !؟ أو .. ليش . !؟ عشاق . !

البارحـه .. مــا بـيـن هـمـي و الأوراق . !
جـرّ القلـم طـارووق .. حـزن(ن) يسلـيـه . !

و أسترسلـت أبيـات شعـري .. مـن أعمـاق . !
الموقـف اللـي مـرّ .. و أزريــت أعـديـه . !

موعـد لقـا .. مبنـي علـى نيـة .. أفـراق . !
كان الأخيـر .. و ضيـق الصـدر .. طاريـه . !

و لا هي غريبه لـو أقـول : الصـدر ضـاق . !
لكن الأغـرب .. كيـف .. مـا ودعـه فيـه . !؟

كانـت دموعـه تختنـق بـيـن .. الأحــداق . !
و نظـرات عينـي .. تقتلـه .. ثـم .. تحيـه . !

كنـي جلسـت أعلمـه .. كيـف .. يشـتـاق . !؟
و كنـه يعلـم شعـري .. شلـون .. يرثيـه . !؟

شـح الزمـن .. بموادعـه .. و المسـا سـاق . !
حـزن القصايـد .. و العتـب .. و المشاريـه . !

يـا ليـل .. و الله مـا ورى .. ليلـك أشـراق . !
النـور .. عانـه يسحبـه .. فـي خطـاويـه . !

عشاق .. قلي : ويش . !؟ أو .. ليش . !؟ عشاق . !
ألا .. ضحايـا وقـت .. مــدري شسمـيـه . !

المصدر: الملتقى الجماهيري للشاعر محمد بن فطيس المري

الذين يشاهدون محتوى الموضوع الآن : 2 ( الأعضاء 0 والزوار 2)