فرق الكروة !

فرق الكروة !

..

..

مانت أوّل اللي مايصيب مراده
........................ولانت آخر اللي ينطعن من ذروه
ما كل صاحب لا كربت شداده
.......................... يكرب شدادك لين يلحم غروه
لا شفت من نقع الردىَ ميراده
............................. امنين ما يظما بعاده فاروه
يشفيك من قرب الرديّ ؛ ابعاده
..................... هفّت " مقيط " ؛ ودرهمة " بن عروة "
خلّه يولّي ؛ والفجج ولاّدة
..........................تنجب لك اللي ماهقت به " حروة "
اللي إلى مرّ اسمه النقّادة
......................قالوا :" نعم " لا جا الحديث بطروه
لارقّ عظمك ؛ جذوته وقّاده
...........................تدفى بصوته قبل يقدح مروه
أمّا الذي وقفته مثل قعاده
..........................ادفع على فرقاه . فرق الكروة
من لا قدح في الهيّنات ازناده
...........................ما ينفعك والذيب يا كل جروه

..

..

المصدر: الملتقى الجماهيري للشاعر محمد بن فطيس المري