الليل يغري وانت طعنتك تغري . . . . والقاف وش يبغى سوى ( طعنه و ليل )

الليل يغري وانت طعنتك تغري . . . . والقاف وش يبغى سوى ( طعنه و ليل )

ما ضاقت الدنيا ولو ضاق صدري
كذا مدام الضيق اصبح تساهيل

الطيش عذرك والمقادير عذري
والفرق واضح واقطع القال والقيل

صابر عليك و لا نفع فيك صبري
يعني عن اذنك . . مابقى فالصبر حيل

صديت . . و الصده تعلمك قدري
البعد يكشف ويش قدر الرياجيل

بسري لا تسألني على وين بسري
دام السهر لديار عيني مداهيل

لا تقول سامحني ولا تقول بدري
بدري . . من اعمار الخبول المهابيل

الليل يغري وانت طعنتك تغري
والقاف وش يبغى سوى ( طعنه و ليل )

بآجـر صوتـي وانـطـرب دام فـكـري
طفشان من جيلين .. راضي على جيـل

وقصيـدي اللـي كبّـره صغـر عـمـري
يسوقنـي للمـجـد ســوق الفناجـيـل

يطري علـيّ لا ضقـت ولا انـت تطـري
كل ما طرالي الدمع ! واخـذ التفاصيـل

الدمع : ماهو ( مـا ) أهلـه ويجـري
الشاعـر دموعـه قصيـد و مـواويـل

بكيـت لـك ( بيتيـن ) وابيـك تــدري
ان الشعـر منهـا غـدى دمعـه يسـيـل

ما عرّف اوراقـي علـى طيـش حبـري
الا : رداة الحـظ و العـشـق والـويـل

ولا ضيّق الدنيا وسط ( عين شعـري )
الا غـدر نسـل الرجـال المشاكـيـل

المصدر: الملتقى الجماهيري للشاعر محمد بن فطيس المري