مقتطفات من قصائدي

مقتطفات من قصائدي

صباحكم/مساك


مسك وكادي


حبايب قلبي اليوم جايبه لكم مقتطفات من قصايدي عل وعسى أن تعجبكم

تفضلو معااي وقروها..يالله حيهم




*مصيبه لاتردت قيمتك في عين من يغليك
ونقص قدرك بقلبه وانت لاحولن ولاقووه

بريئن متهم في شي ماشفته ولا..يعنيك
وغذيت بسمعتك عند العرب منبوذ ومشوه

وأذا احدن رافقك ولامجالك مر مع طاريك
يقولون أتركه وأبعد طريقه فاسد الخووه

ولو أنك تشرح الي بالخفا للناس مايمديك
تبلتك السن العالم بهرجن عنك ومفوووه

طلع هرجن كثيرن عنك والهرج أكثره غاويك
تناقل عنك علومن تزيد الحال في سوووه


*لبيه ياماخذ غلا قلب مغليك
وعلى عروق القلب عندك حصانه

مايدخله غيرك ولافيه تشكيك
ماخذ عليه صكوك ملك وضمانه


*ياويل قلبي صرت ماعاد تشتاق
قطعت وصلك تحسبنه شطاره

قطع الوصل يشبه لتقطيع الارزاق
وأشد منه شوي وأكثر مراره


*أنت مالك في حياتي شريك ولاخشير
جارين بعروق قلبي مثل مجرا الدما

حبك الي سم حالي وسو مايصير
أستحل القلب واليوم له سو حما

صار محدن يدخله لاوليف ولا عشير
لويحب الكوع ولابعد حد السما


*لاصار مابه ثقه وش خانة الخووه
عيبن علي أترجا الوصل وأسهاله

ترا حلات الرجل به خير ومروه
يوفي مثل صاحبن بالحب وفاله


*لبيه يلي على الوت ساب يرسلي
وأنا من الغيض مارديت مرساله

فيني يرحب يحسبني به أهلي
ولا.الحقيقه عروق القلب مدهاله

لبى معاليق قلبك يابعد كلي
الحال من عقب بعدك صار يرثاله

الله يبارك بها الخدمه ويمهلي
واردله شوق قلبي وتغناله


*تدري شكثر أأأحبك ياغنات الظمير
كثر حبات رمل الارض وأحسب دبل

وتدري أني تمام وعايشه باأألف خير
عمرك أنك سمعت الريح هزت حبل

خل من قال حكيه بالقفا يستثير
ماعلينا من النمام ولا الخبل


*الاياحمام الورق هيضتني وش جاك
ترف الجناح وتزعج الصوت بالعالي

ورا ماتخاف الله هيضتني بغناك
تغني طرب ولا فراقن على غالي


*بصون عهد الهوى كله علشانك
وأحفظ عهود المحبه وأنت خابرني

وأن مال قلبي لغيرك فأعتبر خانك
قطع شرايين قلبي لاتعاتبني


*جرب أفراقي وشوف البعد وشلونه
ونتايج الصد والهجران جربها

وتكفون يلي تمرونه وتلفوونه
قولوله النفس طابت وش سبايبها

ضحيت بعيوني الثنتين لعيونه
ووفيت يوم الاودام شان مذهبها


*ماني برايق لوأأني قلت لك راايق
الفكر مزعوج والاخلاق عكسيه

وماأبيك تستغرب ليا شفتني ضاايق
وأجامل الناس والضحكه تجاريه


*ياكثر ماطوفت لك وأنت تخطي
وأسامحك وأقول يكفي أعتذارك

زودت من غيضي وفولت ضغطي
وكرهتني لاتبع هواك ومسارك


*أتجاهل من الغالين بعض الاموور
وابلع العافيه وأقوول غلطة غلا


*كل ماقال الوكاد قلت أني أأأحبك
مايكمل هرجته والسبب ردي عليه



وســـلا مـتــكم

المصدر: الملتقى الجماهيري للشاعر محمد بن فطيس المري