ياخوي

ياخوي

بسم الله الرحمن الرحيم

الحمد لله رب العالمين اتشرف بوجودي هنا ومشاركتي معكم بهذا المنتدى الكبير والصرح الشامخ واتمنى ان اكون مفيد ومستفيد هذي اول مشاركة لي وهي قصيدة من كلماتي اتمنى ان تنال رضاكم وإعجابكم ولا تبخلون علي بتوجيهكم ونصائحكم :-

حاولت أخفي داخل الصدر عبره
أضحك ولكني من الوقت مقهور
وأكتم جروحٍ بالحشا مستقره
وأفرح وانا في داخلي هم مقبور
لولا الحيا واللوم ولولا التشره
لبكي بكاء طفلٍ يتيمٍ ومكسور
يا خوي لاترجي من الوقت شهره
ولا تخدعك دنياك وتصير مغرور
من لاكتب في صفحة المجد ذكره
ما ظنتي يا خوي بيصير مشهور
وإن صرت متضايق وبالقلب حره
وكلٍ تخلى عنك وأصبحت مهجور
ازبن حمى ألي ما تجاريه قدره
ألي خلق بالأرض قيعان وبحور
ارفع يدينك واساله قرب نصره
واقر كتابه ولا يجي منك قصور
وخل الفروض الواجبه مستمره
واحذر ترافق راعي الكذب والزور
ياويل من يجحد من الحق ذره
وياخذحقوق الناس بالظم والجور
دام الكواكب سايره بالمجره
والأرض حول الشمس تلف وتدور
وبكل يومٍ تشرق الشمس مره
ثمٍ تغيب وينطفي بعدها النور
من لا يموت اليوم بيموت بكره
الموت حق ولاعلى الأرض معمور
دام الوعد بتالي العمر حفره
يا حظ من قبره رياحين وزهور
وسلامتكم

المصدر: الملتقى الجماهيري للشاعر محمد بن فطيس المري