قـصة ابن محـسن الهزاني مع راس الذيب و ( القصيدة )

قـصة ابن محـسن الهزاني مع راس الذيب و ( القصيدة )

بسم الله الرحمن الرحيم

السلام عليكم
كيفكمــ يالغالينـــ

حرص شاعر الغزل محسن الهزاني قبل قرنين من الزمان على ابعاد ولده الصغير عن الشعر الغزلي..وعن البنيات ..الطف الكائنات ..وعن علوم الخربطه ..
فكان يقفل عليه باب البيت حتى كان ذلك اليوم الذي شاف فيه الطفل فتاه جميله من بنات جيرانهم جت لأمه عشان تسرّح شعرها,,
فسأل امه: وش هذا يوه ؟
فقالت الام كي تبعده عن الاعجاب بالبنت : هذا رأس الذيب‎!!!

فقال الطفل معلقاً‎:

الذيـب مالـه قـذلـةٍِ هلهلـيـه‎...ولاله ثمـانٍ مفلجـاتٍ معاذيـب‎
والذيـب ماتمشطـه بالعنبـريـه...‎لاواهني من مرقده في حشا الذيب

‎ فخافت الام من قول ولدها وهو ما خالط الحريم ولا البنات ,,ولم يصل الى مرحلة التغزل بهم
ولكنها عوامل الوراثة من ابوه محسن.. اللي حرص بعد ذلك ان يودي ولده الى (( المطوع )) عشان يتعلم ويخلي عنه الشعر والخربطه

وعندما راجع المطوع حروف الهجاء مع الولد اتفاجأ باجاباته

فعندما قال له: ((ألف)),,, رد الطفل‎:

ألفٍ وليف الروح قبل أمس شفناه.....‎غروٍ يسلي عن جميـع المعانـي‎

فقال: ((قل باء)),,,فأجاب الطفل‎:

الباء بقلبي شيد القصر مبنـاه.....‎وادعى مباني غيرهم مرهماني‎

فغضب المطوع وقال: ((قل طاء ياولد )),,,فأجاب‎ :

الطاء طواء قلبي من البعد فرقاه‎....وياجعل يطوي قلبك الي طواني‎

طفش المطوع وقال: (( انقلع الله يكفيني شرك ))
ولما جاء أبوه ياخذه من عند المطوع أخبره المطوع باللي صار وقال: (أغسل أيدك منه...ولدك هذا مافيه حيله)

وأقتنع أن ولده (مولي .. بالغزل .. يعني .. ؟؟؟ ) .
وبعد ما كبر الولد زوجه أبوه راس الذيب.

هاذي هي الفية الشاعر الكبير محسن الهزاني...

الف وليف الروح قبل امس زرناه = غرو ٍ يسلي عن جميع المعاني

والبا بقلبي شيد القصر مبناه = وادعي مباني غيرهم مرمهاني

والتا تراني كلما اوحيت طرياه = افز لو حلو الكرى قد غشاني

والثا ثلوم القلب ماحد ٍ بـ يرفاه = الا ان خلي من عذابه سقاني

والجيم جيته ماتردّى لمن جاه = يقول : حي اللي عنالي وجاني

والحا حليّه يم نجران مرباه = ريم ٍ على نبت الدعث والمجاني

والخاء خليلي ماتجارح سطاياه = بضامري علـّــق سطير العراني

والدال دوك القلب من حرّ مسطاه = جرح ٍ فلو جبت الدوا ماشفاني

والذال ذهب الحواجر بيمناه = اصابعه تزهي الخواتم ثماني

والرا روايح ريحة المسك وياه = ريحة زباد ٍ فاح اوزعفراني

والزا زبر جمعه ولااحرز ملاقاه = مال اجنبيّ يقول راعي المجاني

والسين سمّ الحال والعقل بصباه = باربع محاحيل ٍ تجرّ السواني

والشين شبّهته طليع ٍ بحرياه = مايشرب الا درّ عرب ٍ سماني

والصاد صاب القلب بالدرج مااخطاه = قلت :آآه واعزآه دمي كساني

والضا ظبيان المها كلها فداه = ويلاه من ربي بحبه بلاني

والطا طويت الياس منّـه ورجواه = لو كان ساعفني فـ باكر جفاني

والظاء ضنيت حالي ولافاه = قلت الوداع وقال هذا مكاني

والعين عامين وانا ادور لاماه = اجيه حذر ٍ الى غاب القمر والهداني

والغين غاب وفسّد الترف بعداه = اجيه حذر ٍ بالغبا والبياني

والفاء فكّر ويش رايه وطرياه = هو حبّ قـلب ٍ لومودّة لساني

والقاف قـلت اقـلط واخذ ماتمناه = ماشاف غطروف ٍ صخيف الثماني

والكاف كيفي طاب والحمدلله = الى حصل قصدي ترى العمر فاني

واللام لايمني عسى الويل يفجاه = ماشاف الذي ربي بحبه بلاني

والميم ماوالله لقينا حلاياه = لافي البدو يذكر ولافي المباني

والنون نوره من سرى الليل جدّاه = مثل الفنر والا القمر يوم باني

والواو يوم ٍ على السطح وياه = اشرب من مبيسم رهيف الثماني

والهاء هيـّـضني بها زين شقــّـاه = كنه لطرّاه الهوى معشراني

ولام الف لايمنى صفعته وقال آآه = لايابعد من لي قريب ٍ وداني

والياء يسقــّـيني معسّـل شفاياه = ولو جفيته عايفه ماجفاني

وسلامتكم.

المصدر: الملتقى الجماهيري للشاعر محمد بن فطيس المري