انا منكم وفيكم .. وحبيت ابين لكم اكثر ما يحزنني كلمة شايب يعتبرني مثل ولده .. واول ما خلصت الثانويه وبنسبه .. كان هو والعالم يشوفون المستقبل قدامي ولكن دار الوقت واتبدلت الاحوال ومرت السنين ومسكني بعد صلاة المغرب ، وقال لي بالمختصر اني تغيرت ولا فيه هدف واضح قدام عيني وذاك المستقبل اللي توقعه لي ، غيّر النظر فيه ويقول الحين بسالك انت وش حلمك وش هدفك في الحياه بس سربته .. هال 6 ابيات قلتها ولا اعدت النظر فيها ولا غيرتها لانها طلعت مني بسرعه ورد على كلام " ابو فهد " في وقتها ، حتى لو كان فيه شي يحتاج تعديل ..
انا ما طرحت هالموضوع لاني ابي تقييم للقصيده ولكن لمشاركتي اكثر ما حز في خاطري , وللحين كلامه في مسمعي .. قلت له
اليـا ذكـرت احلام عمري من اسـنين = ضاقـت بـي الدنيـا على كل الاجنـآب
يـومي صغير وباني اقصور من طين = وآقول هذا لي وهذا للاقـراب
واليوم صار العمر واحد وعشرين = وصكّات بقعا واقفه تطرق الباب
واشوف حلمي كان ما بين قوسين = مـغير قصـرن قد بنيته من تراب
يا بو فهد والجرح ما له مداوين = واظن مثلك خابـرن ويـش الاسباب
ولا تنشد المهموم وش حلمه الحين = ما ينفعه ذكره ورآس الامل شاب
ولا قال الا .. افلح عسى الله يهديك ويوفقك وراح .. الله يطول بعمره
ومثل ما قلت انا بس حبيت اشارككم اكثر ما يحز في خاطري , بغض النظر عن قوة الابيات
« آخـــر الـــمـــشـــاركــــات »
06-24-2011, 04:47 AM
.. 6 ابيات وسبب كتابتها ..
العرض الشجري
