بيعود مجدك يانصر وانت داري - الملتقى الجماهيري للشاعر محمد بن فطيس المري

#1 06-24-2011, 09:38 PM

السلام عليكم ورحمة الله وبركاته

اسعد الله اوقاتكم بكل خير
عندي ابيات خاصه في نادي النصر وحبيت اهديها للجماهير النصراويه

القصائد كثيره في هذا النادي العريق لكن ننقل لكم ماتيسر

نادي النصر عشقه مع الدم جاري
يزيد عشقي له ورغم الخساره

نعشقه موت وعشقنا له حضاري
والدعم متواصل لطاقم الاداره

لابد في يومٍ نصيد الحباري
ويعاود الصقار حب الصقاره

اطمع ولكن طمع ماهو تجاري
عشق النصر عندي هو اكبر تجاره

نادي النصر الاول وعقب اختباري
وكم شخص لاجل النصر فات اختباره

والله لو يلعب بوسط الحواري
اني معه ياناس حاره لحاره

مانيب قايل طال وقت انتظاري
ويازينها زيناه منك المراره

اوضح شعوري لو الدار داري
ومانختلف مابين داري وداره

حب النصر فيني تراه انتحاري
وموجود قبله في عروقي نعاره

شاعر واعرف اجيب فيهم كباري
واعرف اسدد غارةٍ تلو غاره

مانيب الد العين في بنت جاري
لامن غلط واجد عليه احتقاره

عشق النصر فالوقت هذا انتصاري
ولامن لهيت بغير عشقه خساره

سلام من دولـة قطر فوق ساري
للعالمي مرسول ختمٍ واشاره

بيعود مجدك يانصر وانت داري
دامك عليت بيوم عرش الصداره

وسلامتكم

المصدر: الملتقى الجماهيري للشاعر محمد بن فطيس المري

الذين يشاهدون محتوى الموضوع الآن : 1 ( الأعضاء 0 والزوار 1)