ياليتها ماراحت وخلتني ,, او وسعت لي بالقبر وياها * تفداك الروح يالغالية

ياليتها ماراحت وخلتني ,, او وسعت لي بالقبر وياها * تفداك الروح يالغالية

السلام عليكم ورحمة الله وبركاتة
مسـآكم الله بالخير آخواني وآخواتي

مآودي آطول عليكم لب قلوبكم
"لكن"
هذي قصيدة قليل فيها كلمة رائعة
والله من قمة الاحساس فيها عجزت اكمل ابياتها

لشاعر/ الحميدي الشهري..

خايف عليها من الثرى غطاها
و الا الحصى حافي اخاف اذاها

اكرم عليها بالكفن يا مطوع
بالبيت ضل فراشها وغطاها

اكرم عليها بالكفن هذي امي
واشهد عليها في ما عطتك يمناها

هذي الضحى واليل يتحرونه
هذي السماء و نجومه تنعاها

هذي السوالف مثلنا تبكيها
والارض تنشد عن اثر لخطاها

هذي الكبيره كبر هذي الدنيا
هذي العظيمه جل من سواها

ابكي عليها مو نهار و ليله
و لا سنه تمشي واعد اقضاها

ابكي عليها كثر ما شالتني
و كثر الحنين الي اختلط بغناها

و كثر الاسامي و كثر من سموها
و كثرالنجوم و كثر من يرعاها

ابكي عليها من القهر يا دنيا
من لي انامن لي عقب فرقاها

من فتحت عيني و لا خلتني
و شوفوا ولدها بالقبر خلاها

هل التراب بوجها ما قصر
شفتوا ولدها كيف هو جازاها

لوانها مكاني ما سوتها
لاكن اعز عيالها سوها

يا الدود شفها ذابله جنبها
انا ولدها و حاضر وأفداها

قطعني هاك الي تبي من جسمي
بس الكريمه لا تجي بحذاها

و اوصيك امانه قل لها تعذرني
و تكفى تروح تحب لي ماطاها

ابيها تغفر لي مثل ما كانت
كل خمله منهي بطيبها ترفاها

يالله عساها بالنعيم الخالد
و عساها وفي جنة عدن سكناها

يا فضو هذا الكون يا هو خالي
يا ضيق هذي الدنيا يا مقساها

يا مر طعم فراقها يا مره
ماني مصدق ارجع وماالقاها

و شلون اجي غرفتها ما هي فيها
وش عذري لـسبحتها ومصلاها

شاقول انا لدولابها وشنطتها
واذا أسالني مشطها وحناها

وعباتها ومي زمزم ومصحفها
والمبخره ورشوشها ودواها

الكل في غرفتها متفقدها
حتى الجدار مفطر و يرجاها

الكل يبكيها مهو ناسيها
يالله صبرني شلون انساها

ياليتها ماراحت و خلتني
او وسعت لي بالقبر وياها

آلسموحه اذا كان سببت لكم ضيقة البال لما نزلتها
لكن ذي الغالية تفداها الروح ماهوب قصيد

المصدر: الملتقى الجماهيري للشاعر محمد بن فطيس المري