قصيدةِ ، شَرْهِةً آلعذآلً . . | ْ ممآ نزفتِ بهِ قريُحِتيٌ

قصيدةِ ، شَرْهِةً آلعذآلً . . | ْ ممآ نزفتِ بهِ قريُحِتيٌ

بسم الله الرحمن الرحيم
هذه بعض من الأبيات التي نزف بها حبر قلمي وتكلمت بها اسطر دفتري ونطق بها لسان مشاعري اليكم هذه الأبيات:

شرهةِ ـآلعذّآلَ =(

على طاري متاهات السنين وقصة الترحال
ذكرت اللي خذا قلبي وقفا قبل يرثيني
توفى مابقالي من عزوم صادقه وآمال
وقبضان المقابر واسعة باقصى مياديني
ركبت بموجك الهادي وطفت الجال لين الجال
ولاصدقت من قال البحر غدار من حيني
وهبت بي رياح الياس ومشراع الندم معتال
وكسرت اغلى مجاديف الغرام براحة يديني
ابغرق في عذابك واكتم انفاسي بدون اهمال
واصير اول شهيد في المحبه يانظر عيني
تهب الريح مع ذكرى الحبيب وقصة الترحال
وأكن الريح والذكرى ويلفظها ثرى عيني
على باب الأمل جيتك ، شحوب ومدمعي همال
دخيلك لاترد الباب وتنسى اللي حصل فيني
صعب تخفي الكذب لامن كذبت وتخفي اللي حال
وصعب تخفي شعورك لااسالوك الناس عن ديني
تقول الناس كيف الحال وأنا ماعاد بي من حال
واقول بخير واتصنع فرح يخفي طواعيني
يصيح الجرح ويقول (الفرح مانام) يالمحتال
(على رؤوس السيوف) اللي تحارب بالمياديني
أمد الشوف يبحث عن حبيب في غيابه طال
يرد الشوف خايب مالقى اللي غاب عن عيني
لو أدري أن العز للحي وبأن الموت موت الحال
لأدور لي على واحد يشاركني ويعزيني
تعالي ياصدى صوت الجروح وروعة الأطلال
ترى شحت سطوري بالكلام وناضت ايديني
تعالي وامسحي شرهة جفاك بدقن طيف وصال
وعودي للورا خطوه ورومي كي تواسيني
ابدمح زلتك وادفن جروحك واهجر العذال
وادور لي عن شموس الجفا فيه تخاويني
شهق صدر العتاب مابقى غير الامل مازال
يناضل لجل ترجعلي وتقرا سطر عناويني
ترى طبعي مثل ماهو وحبك بالحشا مازال
ماغير ان الحزن ضيفي وثوب الهم كاسيني
أنا ,, لامن لقيتك ارتخي واركع –ماهوب اجلال -
ولكن خوفي تشوف الدموع اللي ملت عيني

عسى ان تكرهو شيئا وهو خير لكم مازال
الا حسبي على ـآلذكرى تذعذع مابقى فيني
تغانم مابقى لك من عزوم صادقه وآمال
تغانم مابقى لك والا انا ماعاد يمديني
وعلىَ طآريْ متآهآتَ آلسنينِ وشرهةَ ـآلعذآلِ ..
ذكرتً آللي خذآ قلبيَ ووصّآ طيفهِ يجيني ..

1. بِقَلْمِيٌ . .

المصدر: الملتقى الجماهيري للشاعر محمد بن فطيس المري