انا في خاطري

انا في خاطري

السلام عليكم ورحمة الله وبركاته

مساكم الله بالخير جميع

هذي ابيات بسيطه تعبر عن نفسها


سلام الله سلامٍ فيه من نور القمر شعشاع .......... يعم اهل المكان اللي هنا واللي بعد غايب

سلامٍ يتجه للي لهم في مجتمعنـا باع ........... تطيب ابه النفوس ويصبح ابها كيفهم طايب

ونا في خاطري حاجه ولادري ويش هي لاوضاع ........ تملكني شعور التاجر الطماع والهايب

اخاف ابينه ويقال لي ياشيخ مالك داع ........... وعود من رداة الحظ خايب والرجا خايب

تراودني هجوسٍ قسمت قلبي ثلاث ارباع ......... ولادري ويشهو امن القسوم اللي غدا صايب

الا ياوجد حالي وجد من كثرت به الاوجاع ......... ولا له مع مرور الوقت لاصاحب ولاثايب

على اللي له خفوقي والعيون وماملكت اجياع ......... وماجابت حمامات الصباح من الغناء جايب

عساه ايكون للقلب الخلي من العرب مرباع ............. ويزهر به خفوقن من حنينه مدهر وذايب

تمنيتك تجيني يوم انا بك يا لغلا طماع ............ ولازلت اتمنى واتمنى ماني بتايب

تعال وشوف قدرك وسط قلبي من ورى لاضلاع .......... الى منك اندهشت وقلت ذا برضاك قلنا يب

انا لست جريئا كي ابين لك على الاتباع ........... ودادي واشتياقي وانجذابي والسبب هايب

ونا ماني الوحيد اللي من التفكير عقله ضاع ......... ولكني الوحيد اللي فواده يا لغلا ذايب

وسلامة الجميع

المصدر: الملتقى الجماهيري للشاعر محمد بن فطيس المري