يسأل علامك ياحياتي تغيرت..قلت التعامل غير والا الهوى غير

يسأل علامك ياحياتي تغيرت..قلت التعامل غير والا الهوى غير

السسلام عليكم..



شخباركم؟



احب اقدم لكم قصيده جديده لي يارب تعجبكم..



عنوانها(يسأل علامك)



يقول:
يسأل علامك ياحياتي تغيرت؟
قلت التعامل غير والا الهوى غير
ماني على درب المواصيل قصرت
وصديت عني دون عاذر وتبرير
وصيتك بوصلي وناديت وانذرت!
الا الوصل.. مايبغي ايات تقصير
لكنك بصدك وهجرك تمخطرت
وهبت على حبك وشوقك معاصير
شفني رغم صدك وهجرانك اصدرت
ان الهوى والوصل يمك مسايير
صحيح من سبة صدودك تأثرت
لكن حبي ماحصل فيه تغيير
انا لو انه بار هالوقت ما برت
بتشوف رجلي للهوى تعدل السير
لو انني في أمر صداتك احترت
وصد ن بلا سبه حصيله مخاسير
وقرت قلبك وانت للقلب حقرت
وغيرت طبعي.. ثم ناديت مايصير
وشفيك يوم اني تغيرت بعثرت
اوراق حب ن ماملكها شكسبير
شفت انك اخطيت.. بحبيبك تجبرت
وحذفت دلو الوصل في قاعه البير
وتبغاني ارجع للوصل ماتصبرت
ودك ترجْع طيرك لماكر الطير
لكنني فكرت فيها وقررت
وبدونها ماارجع لطبعي لوتطير
ياما توقرني وانا لك توقرت
والا نتفارق ونتلاقى على خير


وسلامتكم

قابلة للنقد جعلكم ذخر
واذا عجبتكم لاهنتم على الرد والتقييم

تحياتي لكم

المصدر: الملتقى الجماهيري للشاعر محمد بن فطيس المري