قصيدة يامؤمن الريفي انا جيتك زبون - من روائع ابن فطيس

قصيدة يامؤمن الريفي انا جيتك زبون - من روائع ابن فطيس

السلام عليكم ورحمة الله وبركاته

هاذي اول مشاركه لي في المنتدى وارجو ان تحوز على رضاكم
والقصيده هاذي هي التي جعلتني اعجب بـ محمد بن فطيس



يامؤمن الريفي )انا جيتك زبون..
.. جيتك على مدح اكثر الناس وعنيت


جيت وتعالى الله عمّا يشركون..
.. لولاه (يامؤمن) لطبك ما اهتديت


راضي بحكم الله علي مهما يكون..
.. عالج عيوني لو بعد طبك عميت


ودي اخاشر فالبصر من يبصرون..
.. واشوف دربي لا سرحت ولا ضويت


والى قنصت اثبت مع اللي يثبتون..
.. واشوف طيري كل ما اوميت ودعيت


ياااكثر ما يضرب خويي (الطابلون)..
.. من كثر ما اكلّته مطباات وكليت


وودي اشوف اللي علي يعرضون..
.. وبعض الليالي ودي اسري دون ليت


وااشوف ناس ٍ فالقفا ما يرحمون..
.. اما وقفت لصاحبي والا مشيت


من دون نظاره ولا هم يحزنون..
.. يااا كثر ما كسّرت كشمات وشريت


لكنٌ يا دكتور جعلك ما تهون..
.. ابغيك كلمت راس دامك ما بديت


اسمع......ولا ابغي اللي وزانك يسمعون..
.. ربي كتب يكشف لك اسراري وجيت


صورة عديل الروح عندك فالعيون..
.. واخاف تقطعها بموسك ما وعيت


ولا عليك امر..اطوها تحت الجفون..
.. وعقبه لو تقطع عيوني ما شكيت


هي راس مالي والعرب ما يدركون..
.. اني على باب الممات و ما حكيت


ياقو قلبي يوم قفن الضعون..
.. اللي على ذاك الموادع ما بكيت


ويا صبر صبري والعواذل يحسبون..
.. اني دلهت من الهوى والا سليت


اسكت عساهم من سكاتي يسكتون..
.. وانا عن اللي في ضميري ما انتهيت


وادور الفرحه مع اللي يسهرون..
.. وان ذكروني خذت فنجال وسريت


اخذت من وقتك يا دكتور العيون..
.. عالج عيوني لو بعد طبك عميت


واستر علي واللي معك لا يفطنون..
.. انت الوحيد اللي بعد ربي دريت

المصدر: الملتقى الجماهيري للشاعر محمد بن فطيس المري

كلمات رائع يعطيك العافيه

يعطيك العافيه رررررررررروعه وكل قصائد محمد بن فطيس قمه على قمه

صح لسانك ويعطيك العافيه

القصيدة جميلة وانت اجمل

تقبل مرورررررررررررري(من الرياض)

(كان هنا)

مجنونك

من جد قصيدة في قمة الروعه وهذي عادت ابو حمد مايكتب الا الشي الجميل اللي يعجز عنه الشعار الآخرون

الله ماأجمل مايخطه لنا قلم محمد بن فطيس
قمه وشكرا لك على الاختيار الرائع

صح لسانه ...

ويعطيك العافيه ...

الله الله صح لسانك يا ابن فطيس

مبدع ربي يعافيك

صح لسانك يابوحمد
يسلمــــــــــوو