أول ..شعآع آلشمس

أول ..شعآع آلشمس

مركب .. وهم ازرق وموج من الوريد الـى الوريـد
رحلة .. لكشف الذات مـا بيـن الجهـات الاربعـة

اول .. شعاع الشمس صحوة وآخره .. جثة شهيـد
والبحر .. يبكي شايـل الجثـة علـى راس اصبعـه

على .. امل قطع المسافـة .. لكـن المرسـى بعيـد
والريح تعزف داخـل اعماقـي .. أنيـن الأشرعـه

بدايـة الرحلـة جليـد ويمكـن آخرهـا .. جلـيـد
والمرحلـة بيـن ((البدايـة والنهايـة)) .. معمعـة

ايـدٍ تودعنـي هنـا .. وهنـاك تستقبلنـي .. ايـد
هيهـات يستقبـل غريـب الـدار حضـن مودعـه

امتعتي احلام وطموح وشـي ومـن نـزف القصيـد
لهنـاك تحملنـي تخيّـل شخـص تحملـه امتـعـه

في داخلي .. صوتٍ يقول ارجع وسافر من .. جديـد
يمكن .. تحصل نصفك المفقـود وتسافـر .. معـه

ماينبنـى حاضـر مجيـد الا علـى ماضـي تلـيـد
وعذوبة آخـر جـدول المـا مـن عذوبـة منبعـه

وانا وحيد وميزتـي فـي هالحيـاة انـي .. وحيـد
احيـان .. يتبعنـي ظلالـي وان تراجعـت اتبـعـه

يجوز ما ادري وش هي اهدافي ولا ادري ويش اريد
بس .. اعرف انـي منفـرد لايمكـن اكـون إمعـه

عنـدي يقيـن ان الحيـاة اضـداد والشـي الاكيـد
ان احتكـام الضيـق مهمـا طـال مفتـاح السعـه

وان البشر بـذرة قـدر مابيـن مـزروع وحصيـد
وان القدر في ظرف لحظـة يحصـد اللـي يزرعـة

وان الخسـارة حمـق متضـرر وحنكـة مستفـيـد
وان الفتـى يجمـع لعمـره وان عمـره يجمـعـه

وان افضل المعروف مايفـرج بـه الكـرب الشديـد
والخيـر درء الشـر واقصـاء المضـرة منفـعـه

عقدين .. وانـا استعبـد الاحـرار واحـرر عبيـد
في مملكة .. فكري .. وقدراتي .. ((جيوش موزعه))

اعيش .. ما عاشوا ملوك الارض في .. ثوب الزهيد
في .. زحمة الشارع وكني في .. سكون الصومعـه

فراستي .. تكشف قناع ابلد ذكـي .. واذكـى بليـد
المشكلة .. في هالزمن .. حتى ((للأصوات اقنعـه))

قصيدة للشـاعر : ابراهيم الشيخي
اتمنى تنال اعجابكم
الفلوه

المصدر: الملتقى الجماهيري للشاعر محمد بن فطيس المري

يالبي..إبراهيم<<<احم أحم
تسلمي قلبي رووعه القصيده
الله يحفظك يارب
لاتحرمينا جديدك
بإنتضارك..

يسلمووووووو ي الغلا

اقتباس المشاركة الأصلية كتبت بواسطة الماس يالبي..إبراهيم<<<احم أحم تسلمي قلبي رووعه القصيده الله يحفظك يارب لاتحرمينا جديدك بإنتضارك..

ربى يسلمك عيونى تقديرى
ووردى لروحك الحلوه ياعثل

اقتباس المشاركة الأصلية كتبت بواسطة آحآسيس يسلمووووووو ي الغلا

ربى يسلمك تقديرى
شكرا كثيرات

جميل جدا
لاعدمنا جديدك

يسلم ذووقش الفلوه


وصح الله لسان الشيخي شاعر له حجمه في الساحه

لاهنتي يالفلوه
وصح الله لسان الشيخي
ولاعدمنا هالمواضيع المميزه
والفريده يالفلوه

قصيده روعه .. سلمت اناملك الذهبيه وصح لسان راعيها ... لديك ذائقه شعريه مجنونه .. اهنيك على انتقائك .. لك مني كل الود

مشكوووووور والله يعطيج الف عافيه