في وقفتاً مالي ومال الهزيمه

في وقفتاً مالي ومال الهزيمه

بسم الله الرحمن الرحيم
هذي أبيات سبق وأن نشرتها في عدة مواقع من أهمها موقع الشعر
أتمنى أن تحوز على رضاكم

بديت اوضح قصتي وأنهي اليأس=في وقفتاً مالي ومال الهزيمه
لاصار صمتي ماله حدود وأقياس=وشلي على طاري العهود القديمه
ماينفع المجروح لاقيل لابأس=ولاينفع المظلوم وقفت ظليمه
أن ماشكينا ميلة الوقت بإحساس=فالله عليماً بالصدور الهشيمه
الوقت يشكي هرجة الناس بالناس=والناس تشكي من صدوفاً اليمه
كلاً درع حله وفصله ألباس=ومال الخصيم إلا مواقف خصيمه
زمان فيه الزرع ميت ويباس=ولاعاد نذكر فيه حاجه عظيمه
صار الطرب موضه وقصات وأفلاس=بهايماً تمشي وراها بهيمه
الشعر ناعم ميله كل نسناس=والصوت خدراً مالقاله عزيمه
والبنت تسترجل مشت درب عكاس=بوية ولابه ذرةٍ من حشيمه
يالله عفوك مالقينا لها ساس=مادام كلاً ملتهي في نعيمه
ياناس فيقوا وأسمعوا دق الإجراس=أصحوا خطير الوضع ماهي مقيمه
أخر مطاف وشلة أبليس فالراس=في غفلةٍ والد ين ماأحداً يقيمه
أن ماتكاتفنا ترى وضعنا حاس=أخاف لاتأتي التوالي وخيمه
أعمالنا بحراً والإيام غطاس=وكلاً يذوق اللي عمل من جحيمه
اللي يصير اليوم من نوم وأعماس=ميل موازين الزعيم بزعيمه
حتى الحبر مايمسكه سطر كراس=كثرة حروفاً تشتكي من غريمه
كلاً بداله رائي والرائي جسااس=يغدر ولاله أي موقف وقيمه
الحر واط الرأس بالإرض منداس=والبوم عنده شور وأراء سليمه
والذيب يشكي ميلة الوقت منحاس=وللاء زمانه صار مابه غنيمه
غدت ظروف الرجل مابين الإنجاس=سماجتاً ياأهل القلوب الهميمه
يارب زينها من الرأس للساس=وأحيي قلوباً ميته لك حطيمه
وتزيل يأساً من شكى لوعة اليأس=في يأسه اللي ماأرتضى بالهزيمه

أخوكم هياف حزمي السبيعي

المصدر: الملتقى الجماهيري للشاعر محمد بن فطيس المري

كلاً بداله رائي والرائـي جسـااس

يغـدر ولالـه أي موقـف وقيمـه

هايف يسعدني ويشرفني اني اول من ارد عليك

ابيات قمه في قمه وابيات لهاا معنى كبير

اشكرك على القصيده القيمه والقيم يقيم

لك تحياي وشكري وبنتظار الجديد

هيااف صح الله لسانك ملايين يالغالي ابيات جزله بيض الله وجهك

والله لا يهينك على ما قدمت لنا وبانتظاار القاادم بشغف

قصيده رائعه جدا
صح لسانك
دمت

شاعر مممبدع يالسبيعيي

وحياك الله يافرعون المنتدى


صح لللللللسسسسسسسسسانك مدد لا عدد


سلطان

هياف انت شاعر وكفو
تسلم يمناك ويسلم راسك
على القصيده الجزله لاهنت

ماعليكم زود وصحة أبدانكم والله لايهينكم تحياتي للجميع

صح لسانك ياهياف شاعر مميز ماشاء الله عليك

هياف السبيعي
الله الله عليك وصح الله السانك قصيده رائعه كروعتك
ودي وتقديري

صح لسااااانك يبن عمي قصيدتن جزززززله واااااصل