لاتواجهنا ولاشفتك

لاتواجهنا ولاشفتك

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


يامحرق قلب مـن حبـك ولا نالـك
إلى متى و الظنـون السـود مكلفتـك

اموت واعرف وش اللي يدور في بالك
حيرتني بك ولا ادري ويـش سالفتـك

تشك فمحبتي لك؟؟؟ يا بـري حالـك
وانا اللي خليت لك قلبـي وناصفتـك

أحب لك منك واقرب لك من ضلالـك
واصدق من احساس قلبي كل ما شفتك

حتى القصايد وهي ما تكتـب الا لـك
كنها على كثرهـا ماهيـب منصفتـك

لو اني ما افرح إلى ((جا)) رقم جوالك
رديت والفت لـك قصـه وصرفتـك

تـدري بحبـك وتقديـرك ومنزالـك
مافيه داعـي تقلـل قـدر معرفتـك

خليت كل البشـر واخترتـك لحالـك
وتركت من كـان يبغينـي ووالفتـك

ماهوب طول البطا اللي يقطع وصالك
بس انت كف الملامه والعتب وافتـك

ثلاثة سنين وانا امـوت واحيـا لـك
عفت البشر من سبب حبك ولا عفتـك

في بالـك الشـك والعـذر يتهيالـك
واثق وإلى خفت من غدر الزمن خفتك

اختار يا انك تشل الشـك مـن بالـك
والا اعتبـر لا تواجهنـا ولا شفتـك


لشـــــــــاعرها / حمدان المري

المصدر: الملتقى الجماهيري للشاعر محمد بن فطيس المري

ريـــم

يعطيش العافيه على الطرح ولاعدمناك

صح السان الشاعر ولاهنت على النقل