بعثرة كلام خاطره بالعاميه..بقلمي

بعثرة كلام خاطره بالعاميه..بقلمي

ياهي اماني ياهي أحلام

ضايعه ولاعرفت كيف ادونها
جفت اقلامي
وبات الألم في يديني

تدري وادري
ان الأماني غربلتني

وأعرف إن السعاده دربها حيل مخنوق
واعرف انك

صعب تنشلني من عذاب وحريق


عرفتك حقيقه لاخيال
واليوم

انت اشبه بذاك الخيال

ياشقا دربي ويامعناتي

ليه كل ماقف بطريقك

تقول لي الف سالفه والف عذر ..

تقول ارقبيني لاتتركيني وتنسني

انتظرتك بفرحه لقاء من غير ميعاد
...
لي متى اقول باكر أشوفه

وكل ماأشوفك

تحلفني
انت تبيني
تعشقيني

تحبيني


ماكفاك انك مع الأيام مشقيني

سموني عاليه
لكني بحياتك ماليقيت العلو

دايم الأحلام ترميني
على شاطي الياس
وابحر

واجيك على كثرة

تجافيك

لاتقول أحبك ..حبك كذبه عشتها وباعيشها اليوم

وباكر وباقي حياتي من ضمن الذكريات


الي اسكنت بداخلي واشعلت وسط جوفي نيرانها



انت البدايه وانت النهايه
يامخلف اوعود الأيام

مابيك تبكي على شاني
وانا ابكيك


مو حكاية .. وفاء...وحب.. ولقاء

المسأله خيانة وعود وعهود ومواثيق.

وهذا أنا ابقى وفيه ماغيرتني بعد لياااام



هذا نا عاليه والفرح دوم مبتور

تعبت ادور في وصالك وانت عن العين مستور

كنك تبتعد وتحدني صوبك كثرة الأشواق

ياليتك تحس بلوعتي يوم

أنا اجيك

تبغاني احلف
اني ابغيك

هذي يدي وابصم بعشر الأصابع اني

ابغيك



بـــــ

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

بعثرة كلام



عاليه

المصدر: الملتقى الجماهيري للشاعر محمد بن فطيس المري

دايم كلمآتك كلهــا .. احساسيس ومشآعر

لآهتي يالغلآ .. وباانتظآر جديدكـ

بالعامي ولا بالفصيح

نفس الحس ونفس الاسلوب

اكاد اعرف كتاباتك بدون قراءة الاسم

لأني حفظت آثار أقلامك على أديم الاوراق

بوح لايخلو من العذوبه والمراره

أشكرك

عاليه يا نبض الحروف
.. مشاعر لامست أحاسيسنا

لك أقول دام الإبداع درراً في حبر القلم ....
+ تقييييم

ماشاء الله تسلمي قلبي
رووعه روعه روعه روعه
دائما مبدعه عاليه
بكل حالاتك الله يحفظك يآرب

كما هية العادة في كتاباتك عالية
خاطرة جميلة ومعبرة
حروف تنبض بإحساس مرهف وخيال واسع
تسلم يمينك على هــ الإبداع
تحيااتي

تعجز الكلمات _ تعجز العبارات عن وصف قلمك الرااائع

تقييمي

ابداااااااااااع

واصلي

كالعادهـ رائعة ومبدعـة

لاعدمـناك ياعــسل


رعاك المولى