لـــــيـــــت الــســعــــــاده

لـــــيـــــت الــســعــــــاده

ليت السعــادة ماتغير بالايام
وليت الليالي ما يبيّن خطرها
حنا نعيش بواقــعٍ كله اوهام
مثل الغيوم اللي تغرك مطرها
اسنين تمضي بالليالي تقل عام
ولاعدت اميز يومها من شهرها
كم من عزيز بنومته مابعد قام
وكم من غريقٍ ذلته في بحرها
وكم واحدٍ يمسي على زين الاحلام
ويصبح على مرٍ يـبـوحه كدرها
لو دامت الدنيا بها النور مادام
مثل الفيافي لا خلت من شجرها
خلك على نهج العقيدة والاحكام
تلــقى السنع لو ليلةٍ من دهرها
واسلك طريقٍ مايرجعك منظام
واقطف من الجزلات احسن ثمرها
وإياك في قطع القرايب والارحام
اقولها وربـــــي قديمٍ ذكرها
لو شفت منهم زلةٍ تكسر اعظام
ادمح خطاهم عزوتك واعتبرها
وخاو الذي في شدتك كنه حزام
ونفسه على زين الطبايع فطرها
في خوته تلقى المسرات وانعام
والا الردي مثل الطمان وحجرها
يلبس عن الفزعه جواكيت وحْرام
ويديه عن فعل المراجل قصرها
وعينٍ مدامعها مثل وابل الشام
يمكن مع الايام تفــقــد بصــرها
هذي هـي الدنيا مغثات و اوهام
كلٍ شكى من ضيمها ومن قهرها
تبغــي صبورٍ مايهــمــــه بالايام
وكل المواجع في يدينه حشرها
وختامها بيتن كما بصمة ابهام
يسوى الخلايق كلها مع بحرها
الله يجــازي كل حاســد ونمــام
ولا خير باللي نعمته ماشكرها





كلمات / سعد خليفه

المصدر: الملتقى الجماهيري للشاعر محمد بن فطيس المري

الله يجــازي كل حاســد ونمــام
ولا خير باللي نعمته ماشكرها

صح لساان شاعرها ويسلم ذووووقك المميز ربي يعطييك العافيه .. لك ودي ..

الله يجــازي كل حاســد ونمــام
ولا خير باللي نعمته ماشكرها

صح لساان شاعرها ويسلم ذووووقك المميز ربي يعطييك العافيه .. لك ودي ..

صح لسان شاعرها
لاهان ناقلها

اقتباس المشاركة الأصلية كتبت بواسطة غراااام نجد الله يجــازي كل حاســد ونمــام ولا خير باللي نعمته ماشكرها صح لساان شاعرها ويسلم ذووووقك المميز ربي يعطييك العافيه .. لك ودي ..

صح بدنك والله يسلمك ...والشكر لك

اقتباس المشاركة الأصلية كتبت بواسطة فالح بن مسلط ال ضحيان الله يجــازي كل حاســد ونمــام ولا خير باللي نعمته ماشكرها صح لساان شاعرها ويسلم ذووووقك المميز ربي يعطييك العافيه .. لك ودي ..

صح بدنك والله يسلمك ويعافيك .

اقتباس المشاركة الأصلية كتبت بواسطة اغليك يابن فطيس من مغليك صح لسان شاعرها لاهان ناقلها

صح بدنك وناقلها هو راعيها .