غــــلــــطــــآنــه من تــــعــــشــــق الـــيـــوم رجـــــال

غــــلــــطــــآنــه من تــــعــــشــــق الـــيـــوم رجـــــال

اليوم لك ثاني مع راحة البال
وانا بعد همي له اليوم ثاني..

اليوم تاركني اناظر بالاطلال
صورة,, رساله ,,حلم ,,جرح واماني !

ليلي قضيته بين همٍ وغربال
واقول في نفسي حبيبي نساني!!

غنيت انا عقبك من الضيق موال
يومك تسمع للطرب والاغاني!!..

لي دمعةٍ من فوق الاوجان تختال
يومك تلاعب مترفات المباني..

وبي عبرة منها المخاليق تهتال
ياعبرتي لاتفضحيني عشاني! :

ياعبرتي خلي لك الصدر منزال
لاهوب بك داري ولاهوب عاني!!

مشغول له في ترفة حالها حال
:ماهوب فاضي لعبرتي او جناني!!

في يوم واحد نسته كل الامال!!
وش عاد لو يدري بشوق غشاني؟؟


ماهوب مثل اول هذاك الغلا زال!!
عزاه كيف الود زال بثواني؟؟؟؟؟؟

اربع سنينٍ طوال ياكيف تنزال؟؟
وتحط في قلبك فلانه مكاني؟؟!!..

ماكنت اظنك تجحد الود لا طال!
اثرك على طريف وتبيني اعاني!

قد قالوا ان البعد والصد قتال
وانا اشهد انه علة بالمحاني!!

يومي اشوفك لابس بشت وعقال!!!!
والشارب الاسود وزول سباني..

وعروستك من الحيا ترخي الشال:
( وترسل لها بسمه تزيد امتحاني

دمعي بلا علمي على وجنتي سال!!!!
اشتقت لك ليتك تحس بحناني..

ليتك تشوف الحال يامتلف الحال!!
بس التفت لي شوف شالله بلاني..

نصيتها تضحك لها لاهيٍ سال،،
واقول ياليته حبيبي نصاني!! :

(الله يادنيا التعاسه والاهوال،،
الله يستر وش يخبي زماني..

غلطانه اللي تعشق اليوم رجال:
(مهما حلف بالود يبقى اناني..

وقلب الرجل مابه من الحب مثقال!!
والبنت ترفه قلبها مايداني :

حاولت اعبر والقلم في يدي مال،،
من هول مابي انعقد بي لساني

المصدر: الملتقى الجماهيري للشاعر محمد بن فطيس المري

الله / قسم بالله ابداع
صح لسآانهآ حتى ترضى
قصيده رآائعه بكل مافيها
من حزن وفراق وشوق


الزين يعطيك العافيه

صح السان شاعرتها

وتسلم يمينكِ على الإنتقاء الرائع

تحيتي

قاسي يازمن اي والله قسسسسم بالله انها ع الجررررررح


نورتيً يالغلا

عتيبي نجد
ياهلابك نورت متصفحي

هذا وهي منعقد لساااااااااانها

وعلى كلا صح لسااااانها عبرت عن حال

حوااااااااء مع تحريض يعاقب عليه القانون ههههههههههههههههه


الزين .. شكرا للزين



ولاهنتي تسلمين

ياااليت يعااااقب عليه القانون كااان نص رياجيلنا بسجوووووووووون هع

نورت متصفحي

غلطانه اللي تعشق اليوم رجال:
(مهما حلف بالود يبقى اناني..

وقلب الرجل مابه من الحب مثقال!!
والبنت ترفه قلبها مايداني :


لاهنتي على النقل ولاهانت شاعرتها

المطنوخهـ
يامرحبابتس يالغلا
نورتي متصفحي

*༩ྀ آلـــــزيـــــن *༩ྀ*
تسلمين ياقمرهم قصيد رائع الله عليك وعلي اختيارك ياذوووق
كوني بخير لنكون وردي لقليبك الحلو+++++