سامحيني كان ساقي والجدى أصبح يخاف

سامحيني كان ساقي والجدى أصبح يخاف

السلام عليكم ورحمة الله وبركاته

يسعد صباحكم/مسائكم بكل خير
متواضعة أتمنى لها الأرتقاء للذائقة
أتقبل النقد بكل رحابة صدر

الشتا قارس وبرده يفري أخيوط اللحاف

...............................والحطب مبلول من طل الندى والشمس كسفه

والبطن والحيد والمحزم وماعون وجفاف
...................................ونصف مني في حرى والنصف قد لاقاه حتفه
وبوح نظرات(ن) يصبّر يا آمل يا آخر مطاف
.........................................تآخذ أمن البيد غار(ن) تسكنه وتلمّ نصفه
وتحت معطفه الفقير إللي له عظام(ن) نحاف
...........................................ما تركه البرد يغفى ولا لقا لقمة ورشفه
كنه إللي عاش من جوعه صدى سبع(ن) عجاف
...................................وأحوجه فقره على زرع الصبر وأحجاه قطفه
ليت مال الآدمي ذنب(ن) يزيده باقتراف
......................................وليت مال القلب طيبه تفتنه وتزيد ضعفه
وليت مالي من ضياع(ن) قرّ فالمحجر وشاف
......................................دربه إللي قد مشاه وخلـــّف الذكرى بخلفه
يا دروبي بيننا خوّة ورفقه والتفاف
...................................ألتقينا من ضياع(ن) وأصبحت عشرة وألفه
ولو منحتيني من الغربة سوى قلوب(ن) نظاف
........................................ما كسبتك قلب قاسمني الوفا لهفه بلهفه
ولا سقيتك من عروقي دم من شفتك ضفاف
..................................ولا سقيتيني من أعيونك نهر حب(ن) وعفه
سامحيني كان ساقي والجدى أصبح يخاف
.....................................من صدى عثرة قديمة وأعلنت حله ونكفه
وعرضت ذيك الملامح من قبول ومن خلاف
..........................صدمة(ن) وأرخت عليها ناب وضروس(ن) وشلفه
وسامحيني ما عرفت أقرا صدر ذاك الغلاف
....................................لان مالي عين تبصر نحوه وعطفه وصرفه
ويا دروبي من لسان الحال وأنهيت الخلاف
..........................ومن عيوني بحت من دمع السحا وأرخيت طرفه
وما تبــّقا غير درب(ن) أسلكه لآخر مطاف
.................................يا يكون الغار دفئه....يا يكون الغار حتفه
وسلامة نواظركم
عامر صالح آل شينف

المصدر: الملتقى الجماهيري للشاعر محمد بن فطيس المري

ماشاء الله . .
صح لسآانك عآامر
قصيده قمه فالجمآال
ابدعت فيها كعآادتك قصائدك مميزه
الله يحفظك ويحميك يآارب

الله يعطيك العافيه ياشااعر انا مريت مرور سريع

ولي رجعه كي اعلق على القصيده

صح لسانك ..

مبدع ياعامر ..

يعطيك العافيه ..

ولو منحتيني من الغربة سوى قلوب(ن) نظاف

........................................ما كسبتك قلب قاسمني الوفا لهفه بلهفه

راق لي هذا البيت
قصيده عاطفيه مليئه بالإحساس
أخذتني الى وقفه مع القلب
ترابط في الأبيات أضاف جمال على روعه الكلمات
سلمت يمينك أبدعت لاتحرمنا جديدك

ما شاء الله
قصيدة جميله
لا خلا ولا عدم

الله الله ياسلام على الروعه والابداع شاعرنا عامر صح لسانك

يا دروبي بيننا خوّة ورفقه والتفاف
...................................ألتقينا من ضياع(ن) وأصبحت عشرة وألفه
ولو منحتيني من الغربة سوى قلوب(ن) نظاف
........................................ما كسبتك قلب قاسمني الوفا لهفه بلهفه
ولا سقيتك من عروقي دم من شفتك ضفاف
..................................ولا سقيتيني من أعيونك نهر حب(ن) وعفه
سامحيني كان ساقي والجدى أصبح يخاف
.....................................من صدى عثرة قديمة وأعلنت حله ونكفه

روووعه صـح لسسانك واحسسسساسك مبدع يـــأ عـــــآمــــرر

الله الله
صح لسانك ياعامر
قصيييده جزله ومعبره
تحمل صور خياليه راقيييه بفكرها المبدع
والله لا يهينك

صح لسانك يالقرم قصيده جزله من رآس جزل
كل الأبيآت في غآية الروعه لاعدمنآك