فــــضـــفــــضــــــة شـــــــاعـــــــــــــر

يالحبيب اللطيف الظريف النظيف حبكم في صميم الحشا لا حشا ما نسا حبكم يا جميل

أتذكر حياتن معاكن ولاكن جفاكن سبب ما جرالي بحالي وانا في عذابن عسير

أه وا عيني اللي كفاها مذلي ودمعن يهلي سوات المطر وانقهر وانتحر من شبيه القمر من عشق
في هوى البيض اصبح قتيل

ما يلوم الجريح الطريح الذبيح الذي ذاق مر الهوى والعنى والشقى والبلى عقب ما راح عمره
شهيدن كسير

تعال والا وقف اشوي والا شوف ناظر
ابشرح لك الخافي كل ما في عشانك مو عشاني

وحاول قد ما تقدر يمكن اكثر شي حاظر
تلاقي اجاباتك تقول انك ولا غيرك بوجداني

ياهـــيه دوب القـــــلب مبلي ويا دوب
................. خفف على قلبي ترى الشوق حاسه
تكفى تراني من هوى البيض ابا اتوب
................. مـــبطي وانا ما عـــــاد ودي بناسه
يكفي عــــذاب القـــلب من كل رعبوب
................. حلو البني بالزين يفضح حـــــماسه
لا شفتهن جاني من الوجد لاهـــــــوب
................. لاهـــــــوب نارن يحرق القلب باسه
من سبتلي جـــــدد اجـــــروح واذنوب
................. علي واركى في مـــــثاني حســـاسه
هاك الغزال اللي من الوســــط مسلوب
................. في ذمـــــــتي ما شيف نادر أجناسه

ياجاهل الدنيا ترى الوقت غدار
................. دنين تقلب بين مرن وحالي
دنين تخلي راعي الفكر يحــتار
................. تقبل وتقفي والليالي دوالي

يا فــــرحةٍ هلت عليه ســـــعدها
............. من خاطرن يبدي جـــديد التراحيب
ترحيبتن من قلب يصدق وعدها
............. فاحت بطيب وفاح طيبن على طيب
ساعة لفا نفسي جـــفاها زهدها
............. وخَيل مزون الحب سـحر وتعاجيب
حــــبٍ تباشيره يداوي لــــهدها
.............يسقي ثرى عشقٍ من الحول ماصيب
من فضل ربي ما توقف حـمدها
............. وانبت زماليق الفـــياض المعاشيب
الروح فيها مخضرن في عددها
............. والطير غـــــرد باللحــون الطواريب

قالت وداع ودمعها في هدبها
واعلنت ياسي واذبلت كل الازهار

وسجلت حبي في حروفن كتبها
ان الحياه احداث واسباب واقدار

الا واعذاب القلب الا واعذاب الروح
.................... الا واعـــذابي منك يا سيد خـــلاني
ثلاثة سنين كــــلها في عذاب ونوح
.................... ولا لي جدى يا كود بوحي وقيفاني
يردد حروف اسمه حمامٍ سجع بالدوح
...................وهيض علي وجاوب القلب والساني
مضى ما مضى يكفي الم والدموح اسفوح
....................كفايه حزن يكفي من الحب حرماني

غابت ولا ادري عن تفاصيل يومه
يالله ترده من غيابه يجيني

قمت اتحراله ونفسي كتومه
اخاف شين صار بينه وبيني

يا من يبشرني وشنهي علومه
عسى وليف الروح نوره يبيني

يا ذالقمر والليل تكثر غيومه
والبرق يبرق والمطر دمع عيني

رجلي على المرقا تعلت رجومه
يعوي عواء ذيبن حدته السنيني

مال الكدر يرمي علينا سهومه
يكفي من اللوعات شوق وحنيني

من حكم عاداتٍ علينا لزومه
تفرض نفوسٍ خلت الزين شيني

قالوا تقاليد القبايل سلومه
عيبن تذب الدرب حينن وحيني

واحترت منها واصلها امعدومه
تقول ما كنا عرب مسلميني

لا جيت اسلي خاطري زاد تعذيب
............... ذاق العناء من يوم محدن صفاله
دايم على هــــمه يجــر الاساليب
............... ويبقى يــــدوم اللي تعـــقد حباله
من واحدن صَوب على القلب تصويب
............... اعدم عــــروقن في محبة وصاله
بين الرجاء والياس غربه وتغريب
............... عينن بكت والشوق ما طاب فاله
انا ادري ان الحـب درس وتجاريب
............... درب الهواء ما كل رجلن مشــاله

البارحـــه ما جاك مني رســــاله
................. يا ويـش عذري منك يا نــور عيني
ياليت هــاك اللــــيل وألآ بـــداله
................. أو ليت ما جاء اللي سطا في كنيني
والله ما ارضى يوم يجلس لحاله
................. ودي قـــصيدي مـا يفـــارق ضنيني