قصيدة موجهة للشاعر خالد العبيريد العتيبي

قصيدة موجهة للشاعر خالد العبيريد العتيبي

السلام عليكم ورحمة الله وبركاته

قصيدة موجهة لأخي الغالي والعزيز الشاعر خالد بن سهيل العبيريد

إمتثل يا حرف وافهق صدر شاعرك المعرّب
قدلي كم ليلة وانـا اقضب شرهتي وادفع ثمنها

الشــوارد من هـواجيسي غــدت مثل المدرّب
له من البرقــع وحــال السبق والحيــلـة وهنها

مرهي ٍ بالصبر واثر الصبر والحــظ المكرّب
ســيرة إللي من عـــرف دنياه من فايت زمنها

جمّل الله من يــثــربـني وانا مـــانـي مثــــرّب
ولا رحـم حــي المعزز والمعــانـي مـن فطنها

يا خــوي المعرفة عطني من الــراي المجرّب
بفهق أضــلـوعــي وأقـدم علمهـا عمــا محنـها

ويش قـــولك في زمـان ٍ غرّب إللي مــا يغرّب
دولــة أيـــــامـــه شريعتهـــا تقــاذفهــا سننـها

شعّبت به فــي شعيب ٍ لـو مشــى فيها يعذرب
وان رقـــى يــم المسيلة شـــاف عبـــّادة وثنها

ومـا يعزر بالخــوي لا صار من شفي مقرّب
غــيـــر لا مسّـــح كفوفه من معــاميل ٍ دهنها

الغـبن والشـيـب والضيقة على حـالي تحرّب
والليــالــي حـيـلـهـا تفــرش على فـالي كفنها

وانت يـــا خـالد زبنك القــاف بالعلم المذرب
والنــوايــــــا سلمها سالــم ولي عندك لحنها

وسلامتكم وسلامة نواظركم

عامر صالح ال شنيف

المصدر: الملتقى الجماهيري للشاعر محمد بن فطيس المري

ماشاء الله صح لسآنك عآمر
ابيآات رآئعه من شآعر اروع
لشاعر مبدع ومميز
الله يحفظك يارب

صح لسانك وقصيده جميله ورائعه
الله يعطييك العافييه ... لكـ ودي ...

صح لسانك ياعامر ابدعت الله لايضرك

واسنتدها على شاعر كفو وان شاء الله يجيك رد ابن العم

تحيااااتي لك طال عمرك

شاعر لا يشق له غبار عامر
صح لسانك وسلمت بنانك
مافيك حيله
ننظر رد الشاعر خالد بفارغ الصبر

يّ لبــيــه يّ شاعر المنتدى العـذب ..
حـرووف كـــ الذهــــب ..وكــــ العادة الابداع مــرافـقكـ ..
لاجديد سوا الأبداع والــفن منك ..و الثناء منيّ على قلمـكـ ..
الله يسعدك ..
.. والعبيريد راعي واجب ..بانتظاره..

وديّ+++

ارحب مليون يابوصالح صح السانك واسندتها على شاعر كفو وجزل
تقديري واحترامي

وعليكم السلام ورحمة الله وبركاته ,,

ياهلا ويامرحبا يالشنيف حيااك الله يالغالي ,,

صح الله لساانك وصح قلبك ولاهنت على هذى الابيات الجزله وعسى الله يلهمني الرد الي يرتفع الا مقامها يالقرم ,,

كن على انتظار وبأذن الله يصير كل خير ,,

كل شكري وتقديري لك وشرف المساجله معك .

ارحب يبو صالح حي الله ذا الحجاج اللي
مايفكر الا بالجزله شهادتي فيك مجروحه
شاعر حزل وخلاق عاليه ماشالله عليك
صح لسانك لا ماله مدى تحيات اخوك
سعيد ولاهنت يبطل

عامر صالح ال شنيف
لاهنت وتسلم اخي القدير وصح ماقلت جزل ومايجي منك الاكل طيب
ويستاهل الي كتبة لة قصيدك الشاعر القدير خالدالعبيريد
لاهنتم جميعكم وعتلاشانك خيي صباحكم وردبحضورالشعر الجميل