صحيح بالامثال كلمــه ثميــــــنه

صحيح بالامثال كلمــه ثميــــــنه

السلام عليكم ورحمة الله وبركاته .




هذه قصيده من الارشيف حصريه في هذا المنتدى . اتمنى تنال اعجابكم....

صحيح بالامثال كلمه ثمينه=كلمه على الواقع عرفنا ثمنها

من شان عين يقال تكرم مدينه=تكرم ويكرم كل من يحتضنها

تصير زينه لو ماهي بزينه= تصير زينه لجل غرو ٍ سكنها

شيهانة ٍ عين الشياهين عينه= الله يصد اسهوم الاشرار عنها

خوفي على المزيون من والدينه=حتى امها من حسنها تغار منها

يالهفة المشتاق يايا سمينه=يعذب بيوت الشعر يعذب لحنها

جريت صوتي بالحون الحزينه=وان هارت اعصابي وكبدي طعنها

طعنات حبه في فوادي مكينه=يوم استويت امام عينه مكنها

اقوى وشد من الرماح السنينه=اسهوم عينه في فوادي دفنها

فتنت زمن والقلب ربي يعينه=عزالله اَنْها فتنة ٍ في زمنها
صحيح بالامثال كلمه ثمينه=كلمه على الواقع عرفنا ثمنها

....

المصدر: الملتقى الجماهيري للشاعر محمد بن فطيس المري

شيهانة ٍ عين الشياهين عينه

الله يصد اسهوم الاشرار عنها

خوفي على المزيون من والدينه

حتى امها من حسنها تغار منها

ولله انك تستاهل حبة الخشم على البيت ذا


الله اكبر ياالافكار تتراوح من شاعر الى شاعر اخر وكلٍ على فكرته يصخرهـآ على القاف الثمين



صح الله اللسانك ولله يبيض وجهك طال عمرك

صح لسسانك

يعطيك العافيييه

صح لسانك وسلم منطوقك ,
اعجبني هذا البيت
خوفي على المزيون مـن والدينـه**حتى امها مـن حسنهـا تغـار منهـا
ــــــــــــــــــــــــــــــــــــــ
ووجهة نظر لهذا البيت
انت تقول (شيهانـة ٍ عـيـن الشياهـيـن عيـنـه )
معروف كلمة عين مُفرد والشياهين جمع ,
لاتكون عين الشياهين , تكون عيون الشياهين

وتقبل مروري وتعليقي ,

قصيدة جزلهـ صح لسانكـ واعتلى شانكـ <تستحق التقيـــم

اقتباس:
المشاركة الأصلية كتبت بواسطة شآسع المري [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

شيهانة ٍ عين الشياهين عينه

الله يصد اسهوم الاشرار عنها

خوفي على المزيون من والدينه

حتى امها من حسنها تغار منها

ولله انك تستاهل حبة الخشم على البيت ذا


الله اكبر ياالافكار تتراوح من شاعر الى شاعر اخر وكلٍ على فكرته يصخرهـآ على القاف الثمين



صح الله اللسانك ولله يبيض وجهك طال عمرك




الله يسلم هالخشم . وهذا اكبر فخر لي انني استطعت اكسب اعجابك هذا بحد ذاته فخر.



صح بدنك وشرفني واسعدني مرورك ولا استطع التعبير لك بما في خاطري .



اشكرك شكراً يليق بشخصك الكريم..

اقتباس:
المشاركة الأصلية كتبت بواسطة روابي [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
صح لسسانك

يعطيك العافيييه



صح بدنك وشاكر لك مرورك. دمتي...

اقتباس:
المشاركة الأصلية كتبت بواسطة عبدالله السناني [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
صح لسانك وسلم منطوقك ,
اعجبني هذا البيت
خوفي على المزيون مـن والدينـه**حتى امها مـن حسنهـا تغـار منهـا
ــــــــــــــــــــــــــــــــــــــ
ووجهة نظر لهذا البيت
انت تقول (شيهانـة ٍ عـيـن الشياهـيـن عيـنـه )
معروف كلمة عين مُفرد والشياهين جمع ,
لاتكون عين الشياهين , تكون عيون الشياهين

وتقبل مروري وتعليقي ,












صح بدنك وشرفني واسعدني مرورك .الله يحفظك..



وملاحظتك. اسعدتني وان دل ذالك يدل على رويتك الجميله. وتمعنك في النص..


وانا قبل اكتب البيت . طرى على بالي هذه الكلمه. وانت الآن قلتها .انها جمع شياهين. وقد تكون جمع في الاعراب. وقد تكون .اسم مفرد.. والصقور في مسمياتها اختلاف..اساساً. باللغة..

لكن المتعارف عليه.. عند اكثر الصقارين وقد يكون جميعهم. باللهجه العاميه..


ان شياهين . مفرد.! ولو سئلت الصقار. وقلت له.. ماهو نوع طيرك. بيكون

جوابه... شياهين.. مع انه مفرد طير واحد!! وهذا المتعارف عليه...



اشكرك.. على ملا حظتك. واشكرك على حضورك ياغالي..

اقتباس:
المشاركة الأصلية كتبت بواسطة فرح الشهري [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
قصيدة جزلهـ صح لسانكـ واعتلى شانكـ <تستحق التقيـــم


الجزل حضورك. صح بدنك. واسعدني مرورك وتقييمك..






شاكر ومقدر حضورك....

سلطان البقمي يحق لك انتقاد الغير دام هذي معزوفتك يابعدي

صح الله لسانكـ والله يبيض وجهك

بالنسبه لملاحظة السناني في محلها ودفاعك ايضاً صحيح
احيان يقال للطير وهو مفرد شياهين
والمتعارف عليه شياهين جمع وليس مفرد

نص راقي والله يعطيك العافيه