جديدي تعال واحكم

جديدي تعال واحكم

بسم الله الرحمن الرحيم
السلام عليكم ورحمة الله وبركاته

اعتذر من الجميع لعدم تواجدي بعد الشهر الفضيل , لكن اليوم جبت لكم قصيده لها معنى خاص
برونق جديد لم تتعودو على قراءته من خلال قصائدي يحمل معنى لايصعب على اهل الشعر تفسيره
اتمنى الجميع ابداء الاراء بكل ماهو مفيد لاني في الحقيقه اهتم بجميع الردود وكل مايساعدني في
تطوير ذاتي :

ليتني لاقلت ليت لاكتبت ولاقريت=ولامدحت ولاهجيت ولاهدمت اللي بنيت
كان من همي سليت وكان بالواقع رضيت=مايميت الحي ميت كود بحر الميتين
الرماده دار جن لامقر ولا وطن=ان بقا فيها غبن وان رحل منها اشتحن
كانه لحاله فطن لااستراح ولا استكن=يحسب ان الخبث فن لين يرضى باليقين
لادنت شمس الزوال شب ناره في ظلال=يحتري نور الهلال مادرى ان الحال حال
ماثنى عزم الرجال ولارقى روس الجبال=صارت اهدافه خيال لايسار ولايمين
ياعيون الشعر هلي ثم رمش الحق بلي=اتبعي درب المولي مل دار(ن) مايملي
وان لفيتي دار خلي فاسكني داره وحلي =وسط من قلبه محلي اشهد ان جرحه مكين
شاب راسي ياقصيد ولاتهنينا الجديد=ان نقصته مايزيد وان عطيته مايريد
دم يادم الوريد مانكسر خضر الجريد=ضيع المجد التليد وكل ربعه خابرين
آه من ظلم اللحود لاونيس ولا ودود=قبلكم عاد وثمود ومن ذبح ام القعود
ثم تقفته الحيود ماشفت غل الكبود=طال ليله في ركود ولا انتهى حلم الجنين
شفت في جنح الظلام شي يجذب الاهتمام=دمعه عيون الغلام تشرح احوال السلام
قال جدي في الامام وقال ابني في الختام=الجمل ماله سنام غير وين الطيبين
ولاحت بروق الوداع وضاعت سنين الضياع=وانتهى طول السماع وانكشف زيف وخداع
لاتغديت السباع لاتعشاك الضباع=يشترون اللي يباع وفالمكاسب كاسبين

وسلامتكم ,,,,,,,,,,,,

المصدر: الملتقى الجماهيري للشاعر محمد بن فطيس المري

ياسلام ياسلام والله ماعندي الا اقول صح الله لسانك يبو عابد شاعر ماشالله عليك
الشطر هذا يقول

مايمـيـت الـحـي مـيـت كــون بـحـر الميـتـيـن
مايميت الحي ميت كلام كبير كون بحر الميتين؟؟ هذا يقلل من قوة البيت
انا ماني ناقد ولا شي شاعر مثلي مثلك ويمكن ان تكون افضل مني ولاكن في ذهن المستمع والشاهد الله يبو عابد ماكلمك الا من اخوه ومعزه لاهنت وبيض الله وجهك قصيده اعجبتني

صح لسانك ولا اعرف وش تقصد اذا كنت تقصد الخطا الكتابي فتم تعديله واذا تقصد غيره فاتمنى التوضيح

وعليكم السلام ورحمة الله وبركاته ,,

ياهلا ومرحبا ياعبدالله حياك الله وكل عام وانت بخير ,,

بالنسبه لي لاني ناقد ولاشاعر ايضا َ شويعر على قد حالي واحيان ماش وجهة نظري دايم تكون خاصه ابو بالتقييم لكن بما انك فتحت الموضوع للجميع فانا حالي حالهم واتمنى تكون وجهة نظري ومروي جميل ,,

بنا انك طلبت وقلت وجهة الانظر انا اقول البيت الاخير صدر البيت ماله مجال في الابيات كلها ليتك افتكيت منه فقط ,,

الي هو ,, لاتغديـت السبـاع لاتعـشـاك الضـبـاع

لاني اشوفه مخالف المعنى تمااام ولاهوب في مكانه كـ سياق الكلام والتركيب ,,

وفي البدايه والنهايه اعبجبتني الوقفات الجميله وصح الله لساانك وصح قلبك وكلك ولاهنت ومهما كان لايبقى سوا المعاني الساميه واكثر الشعر بالي ياغالي ,,

تحياتي وكل تقديري وات

صح لســــــــــــــــانكـ واعتلى شــــــــــــــــانكـ قصيدة رائعه من شاعر مميــــــــز يعطيكـ العافيه وصح لسانكـ ولاهنــــــــــــت

شـفـت فــي جـنـح الـظـلام شـــي يـجــذب الاهـتـمـام

دمـــعـــه عـــيـــون الـــغـــلام تـــشـــرح احــــــوال الـــســـلام

رووووووعه <عووووووووووووافي

صح السانك يا الشاعر وجزل وابياات قيمة

ولاحت بروق الوداع وضاعت سنين الضياع ,,,,وانتهى طول السماع وانكشف زيف وخـداع
وقفات جميله وعذوووبه بالمعنى وسلاسه بالمنطق
حياك عبدالله صح لسانك

اقتباس المشاركة الأصلية كتبت بواسطة محمد الشريف ياسلام ياسلام والله ماعندي الا اقول صح الله لسانك يبو عابد شاعر ماشالله عليك الشطر هذا يقول مايمـيـت الـحـي مـيـت كــون بـحـر الميـتـيـن مايميت الحي ميت كلام كبير كون بحر الميتين؟؟ هذا يقلل من قوة البيت انا ماني ناقد ولا شي شاعر مثلي مثلك ويمكن ان تكون افضل مني ولاكن في ذهن المستمع والشاهد الله يبو عابد ماكلمك الا من اخوه ومعزه لاهنت وبيض الله وجهك قصيده اعجبتني

صح بدنك ولاهنت ملاحظات تسعدني من شاعر بحجمك لكن اعتقد انك فهمت الشطر المذكور بشكل اخر لم اقصده

اقتباس المشاركة الأصلية كتبت بواسطة خالد العبيريد وعليكم السلام ورحمة الله وبركاته ,, ياهلا ومرحبا ياعبدالله حياك الله وكل عام وانت بخير ,, بالنسبه لي لاني ناقد ولاشاعر ايضا َ شويعر على قد حالي واحيان ماش وجهة نظري دايم تكون خاصه ابو بالتقييم لكن بما انك فتحت الموضوع للجميع فانا حالي حالهم واتمنى تكون وجهة نظري ومروي جميل ,, بنا انك طلبت وقلت وجهة الانظر انا اقول البيت الاخير صدر البيت ماله مجال في الابيات كلها ليتك افتكيت منه فقط ,, الي هو ,, لاتغديـت السبـاع لاتعـشـاك الضـبـاع لاني اشوفه مخالف المعنى تمااام ولاهوب في مكانه كـ سياق الكلام والتركيب ,, وفي البدايه والنهايه اعبجبتني الوقفات الجميله وصح الله لساانك وصح قلبك وكلك ولاهنت ومهما كان لايبقى سوا المعاني الساميه واكثر الشعر بالي ياغالي ,, تحياتي وكل تقديري وات

صح بدنك ومنك نستفيد لكن اعتقد ان الشطر الذي ذكرت يختصر القصيده من اول بيت لاخر بيت
على العموم بيض الله وجهك

عامر صالح الشنيف
فرح الشهري
سحابه الطائف


اسعدني مروركم مشكورين ويعطيكم العافيه