وشعر الغزل عقبك فلاني مهجرسبه

وشعر الغزل عقبك فلاني مهجرسبه

السلام عليكم
تقبلوها مني وبتواضعها

انا شــاعر الطنخه وانا شـاعر الاحساس
وحــســبي مــن القيفان مــا انا اتنومسبه

ألبّس قـصـيــدي رصّـع الجوهر الالماس
وهـــو فــي يــدي سيف ٍ وقوس ٍ اقوّسبه

وليا صار بيت الشعر ما يملي القرطاس
فلا بـــارك الله فــي هــجوس ٍ تهوجسبه

نظمت الشعـر للشعْر والكسـب للنومـاس
ولجل ضـيـقة ٍ فالـصــدر قـمـت اتنفسبه

على حشرجتها لين مــا دخدخت بالراس
تــذكـــرت واخـــذت القلم قلت اهندسبه

عكست القصيدة فـيـك يـــا طيّب الانفاس
وانـــا لجل عينك امشي السـيد واعكسبه

عليك الحروف ووجهة الشاعر الحساس
ومنك استقي وافــيض بالـجـم واغطسبه

تنعمت بـــك واطعمتني لـــذة الافـــلاس
وخذاك الــزمـــن والقـلب حـْـبـك مفلّسبه

فـــلا سرني حظي ولا طاب لي مجلاس
فقلت الرحـــيـــل ومجلس ٍ مـا اتحسسبه

حبست الهـوى والنفس مغلوبة الوسواس
وانــــا فـــي عــيـــاذ الله وقلبي تحرّسبه

وحزّمت راس الحب والقــاف والهوجاس
وشعر الـغــزل عقبك فـلانــي مهجرسبه

هذي محبرة حــبـك وذاك ابيض الكراس
وذا مـــرقـــبـــي يـــوم اتذكّركّ واجلسبه

فلا داعـي الذكــرى ولا بـــارد النسناس
أبا ألفـت لها صــدري والانفاس تحبسبه

ولا عـــادنــي بطلب مـن الساقية لو كاس
كـــفـــاني مــــن الايــام مــــا انا مدّرسبه

يكفّي كـفـــوفٍ حــاشـت الــهـم والاتعاس
وذرّى سعـــدهـــا عصف حـــب ٍ وحوّسبه

خـــذيـــــت الكثير اللي كما شفّر الامواس
على قـــلـــبــي المكلـوم تــاتي وتغــرسبه

هــذي عـــودتــي لليل والــبــن والمحماس
ولا عــــاد فاحـــلامـــــي ونـيـــس اتوّنسبه

عذرت الهوى واكبر طموحي على النوماس
وحـــســـبـــي مـــن القيفان ما انا اتنومسبه

كتبت الشعر طنخه وانــــا شــاعر الاحساس
ولــجـــت ضـــيــقــةٍ للصـــدر قمت اتنفسبه

عامر صالح ال شنيف
وسلامتكم

المصدر: الملتقى الجماهيري للشاعر محمد بن فطيس المري

الله الله الله
الاخ الــــــــــــــــ عامر الشنيف ــزيز

صح لسانك نص مترابط وسلاسه رائعه ومعاني والفاظ

تــــــــــــــ ان خلف هذا النص شاعر لا يستهان به ـــكشف

ولكن لدي ملاحظه بصفتي متذوق لا اقل ولا اكثر فاني ارا

قافية العجز تعاني من الحشوف بالخصوص في الحرفين الاخيره
اهجرس به اتنفس به وجهت نظر بسيطه لا تغير من جمال النص
وقد تكون خاطئه لك مني ينابيع من الاعجاب

ماشاء الله الله عليك شاعر سوف سيلمع نجمها قريباً وسنقول انه عامر النشيف كان هنا

صح لسانك ياعامر وقصيده شامخه كراعيها

صح لسانك واعتلى شااانك قصيده متشبعه بالجزاله

اطربتنا بشاعريتك الخلابه وحروفك المحبوكة

تحياااتي لك

الشاعر عامر ال الشنيف

مبدع كالعاده صح السانك حتى ترضى

اسجل اعجابي وحضوري بهالابيات الجزله من شاعر جزل

تقبل خالص ردي وتقييمي لشخصك الكريم

صح بوووووحك شاعرنا نومستنا بذا الدرر
إحترامي وتقديري لك

اختلف كل الاختلاف مع الاخ راعي النقى واحترم وجهة نظرة الابيات تحمل ايقاع شعري غزير ومشبع للغايه
والكلا م اللي انت قاعد تقوله لشاعركبير مثل عامر بن صالح ال شنيف يجب ان تتريث في انتقادك وملاحظاتك
الراقيه بهذا الشكل لقصيدة اعد قراءتهاوتاكد صدقني رح تعيد وجهة نظرك عماذكرت وهذا رايك وتشكرعليه

صح الله لسانك يبوصالح مبدع

يبو صالح دايماً مبددددع إلى الأمام يالغالي
وصح لسانك وظهورك دايما ملفت للجميع

مروري واعجابي لرائعتك

دمت بخير

أخوكـ

صح لسانك