زمن غريب

زمن غريب

شاعر مبتدئ
وقصيدة قابلة للنقد الهادف وكل ماهو مفيد لبدايتي الشعرية
لاتحرموني من ردودكم وملاحضاتكم



وش الجديد دام الحزن يومي الجديد
وش الجديد دمعي على خدي يزيد
فرحة لقا محروم منها من زمان
والي بقا حلم اللقا لي يوم عيد
درب الشقا مظلم وموحش ياحبيب
خل الوفى طبعك ووصلك لي طبيب
زمن غريب مات الوفى مات الامان
زمن غريب فيه الحبيب اصبح غريب
كنتي الأمل واليوم وصرتي لي سراب
رحلة عذاب رحلة معاناة وعتاب
روحي خلاص تعبت وارخيت العنان
يكفي عذاب يكفي هجر يكفي غياب

محبكم : رائد الحربي

المصدر: الملتقى الجماهيري للشاعر محمد بن فطيس المري

صح لسان رائد الحربي
رائعه قصيدتك الله يحفظك يارب
واااااااصل حربي

شاكر مرورك يا الغلا ويشرفني تكوني اول من رد على مشاركتي

صح لسانك اخوي رائد

نص جميل واختيارك لقافيه حره دليل على طموحك في التعلم

فيه اكثر من بيت فيه حرف زائد والحرف الزائد مايعيب لكن عند النقاد يمكن يمسكونه زله او خلال في البيت

لكن في العامه لاباس فيه ولا بد تنتبه لها علشان مع مرور الوقت يزول ظلام الوزن من راسك

لان الوزن بسيط اهم شي المعنى وتسلسل الفكره


بالنسبه للنص اعجبني كثير لكن المفروض انك كاتبه في قسم شعراء المستقبل

لان ذاك القسم خاص بالتوجيه والنقد للمبتدئين

وان شاء الله تستفيد من الاخوان الشعراء

ونشوفك من عمالقة الشعر

اخوي رائد

مشاعرك طيبه وجميله واسمح لي اصارحك

هذي ما نعتبرها قصيده حسب مفهوم الشعراء وقواعد الشعر

لكن مثل ماقلت مشاعرك جميله , وارجو مراجعة قصيدتك جيدا لكي تفيد وتستفيد يالغالي

هذا رأيي وانا تراني صريح وانت خل صدرك شمالي يابعدي

دمت بود

ي ـعطيك العافيه ؛؛
ماننحرم جديدك