ساحة الشعراء وابداعاتهم تعال شاركنا ببيت او بيتين

يا عــيـوني لا تهلّــيـن دمعـات الــوداع..........لين مايبقى من الناس حـولك غـير أنـا
صار حزني راس حربه وانا قلب الدفاع..........وان بدا الشوط النهائي تضاعف جهدنا
ياسلام الله على الذيـب من بــد السبـاع..........لـو دنـت كـل السـبـاع وتـدنـّت مادنــا
لو يجرّ عواه إذا حـسّ بالغربـه وجـاع..........بسّ عنده عزّة النفس هي ساس الغنى
منك ياسرحـان أخـذت الطبيعه باقتنـاع..........والقنـاعـه كـنـزها كـنـز يـبـطـي مافـنا

سـلام يا ورد وعـســل سـلام يا سـكّــر نـبـات *** سـلام يا بيـض القــلـوب اللي تســرّ عـلـومـهـا

بـســكــات جـيــتــك / لــكـــن أقــفــيــت بــســكــات مبطي / وأنـا طبعـي مـع النـاس هـادي

وش عاد اقول ولا بقى شي مستـور.. ....ما طعتني يوم ابتسـم لـي زمانـي
لا تعتذر لو خاطري منك مكسور....... ......لا تفتكرنـي دام قلبـك نسـانـي
لا لا تقـول ان الليالـي لهـا دور..... ......شف من هو اللي كان فينـا أنانـي
مدري تصنعت الغلا زور فـي زور.. .....مدري انا اللي حيل كنـت متفانـي

لو شفتني قاسي عليك انت معـذور.... ...شفني من أول جـرح لا زلـت أعانـي
انا بشر مثلك لي احساس وشعور...... ....واغتـاظ لا مـس الكـلام بكيانـي
حتى وانا في قمة الغيـظ مقهـور...... .....بعض الحكي عيـا يقولـه لسانـي
العام قلبي فيك هايم ومجبـور......... .......والعام لا منـي جفيتـك عصانـي

واليوم حبك في حنايـاه مقبـور...............لو ما دعيتـه للمفـارق دعانـي
ذاك الهوى ما عاد لك فيه مقـدور.... ....ابعد مـن ايـام الرشـي والسوانـي
مادمت راضي عن عذابي ومسرور......ملعون ابو قـلبِ عـليك يـحـدانـي

قريت في ابيات السحابة معاناه ** لكن اظن السالفه بس تمويه

يمكن تخبي حبها اللي عرفناه ** والا قليب المغرمه انخدع فيه

من يوم عرفي بالمسافر فضولي ....ووده يعرف السالفه كل أبوها
حزني لماضي كان ذاالعام حولي.....حب شريف وخطوته عرقلوها
ما أحد بعد فرقاه ناسب ميولي..........وماأحد ملاعيني ولو أملوها

ماجاني منك خطأ يومك تعذر لي ,,,,,,ياللي على الخاص مشقي كل خلق الله

ماني مصدق ياسحابه في فرقاه ** انا في علم النفس بالحيل مختص

ادري حضورك بس لجله ولرضاه ** يوم ان طابور المحبين مر تص

وان كان قلبك مايبي غير طرياه ** الله يعوض من لخاطرك منتص