عندما يصبح الكبت لهن عنوان!... (بقلــــــمي)

ايووووووووووووووه وبعدين >>>متابعه النقاشات وبقووه

شكرا ...لكل من حضر وأدلى برأيه...
للأمانه كل رد يحتاج جلوس ومناقشة ...
وللأمانه كل من حضر هنا لديه فكر ناضج وواعي..
وان اختلفت الآراء ...فمن المؤكد لن يفسد للود قضية ...
لي عودة باذن الله ...
ولكن حضرت هنا للشكر والعرفان لمن حضر وكتب وأمتعنا برأيه...

اقتباس ابو الهباش ماعليش باخرج عن ايطار الموضوع بس من شان ارد ع الاخو.. ان زين يارائد هذي الاداره سمحت لي اصغي يافتى هل تعلم لماذا الرجال مترديه لان نست افعول اجدادها واذا ذكرتها بس للمهايط والتعصبات القبليه اللي مال جد امها داعي نست افعول الاوليين وغزوا مشااارفها نست الجود والكرم نست اصلا شلون تلبس لبس الرجال نست قولة الحق نست النخوه نست بر والديها نست الفزعه ع الاقل لابن عمها انا ياللي احاااكيك ماشفت رجال كفو رجال ترفع راس شاايبها رجال لامن زهمته كنك تزهم قبيله واليوم ياابن الاجناب مابه غير بقايا مرجله اليوم مابه من تشد به الظهر اليوم صارت لابست البرقع هي اللي تحمي نفسها هي اللي تدلي بالمعروف وعلوم الرجال لان ماااابه رجال صااارت هي ولي نفسها صااااارت هي ابو واخو نفسها صااااارت تغطي بطيبها الرجال بالمرجله(ترا مو قصدي البوي والعياذ بالله قصدي الفكر والفعول دون التشبه بالرجال) تغطي ثغرة المرجله الضااايعه إذا مابه رجال ففيه نساء تسوى شهامه ونخوة ومرجلة ستين رجال وانا قوووله مابه احد كفو خل بنت الرجال تجلس ببيت اهلها معززه مكرمه ماتاخذ رخمه يعل كبده .. بالنسبه الى موضوع الزوجات الاربع اسمع مااابه مره ترضي رجالها يتزوج عليها ابد الا اذا كانت متبلدة المشاااعر واذا رضت بكره بتندم بعدين الوفاء وينه انا اقول لك انا اعرف وحده وواحد شخصيا متزوجين زواج تقليدي المهم البنت حبت زوجها وعطته كل مايتمناه رجل عطه افلوسها صرافاتها عوضته عن ام اهله وهو عااارف قد يش تحبه المهم وتجيب له العيااال اللي يملون عليه دنيته وتعرف وش قال لها بعد كل هذا قال شوفي يافلانه انا احبج وانتي ام اعياالي وتبقين ببيتج محشمه مكرمه بس بااتزوج عليج وهالحين طلبت الطلاق انا مالومها وين الوفاء ووين الوعود اللي وعدها اياه كلها راحت سراب ان زين لو ناااوي تتزوج قل من البدايه لان ماابه مره ترضي له شريك بزوجها وتعرف الشاعره الهنوف اللي بنت رجال قول وفعل شااعره كفو مو بس في شعرها مره غطت ع حريم قبيلتها بنت رجال ماتجلس بمجلس الا تصير سيدته وتعرف وش جازاها زوجها انه تزوج عليهامو انا اللي منقهره من حركته حتى ربعه انقهروا منه بالله بالله اذا كان عندك مره كفو وتسوى قبيله وش تبي يوم تتزوج عليها معذور اذا كانت ماتسوى التاليه من الغنم تزوج عليها مو مشكله لكن تترك بنت الاحرار وتتزوج عليها بالله مو قهر بالنسبه للخيانه هذي الله وكيلك حتى الشاايب اللي ع عكازه صار يخون مااقول غير الله يخاارجنا وسلاماً عليكم

رد ابو مشاري عليك وافي

لكن انا بعطيك مثال

لو انا قلت لك الحين انتي موب كفو زواج والا كفو تصيرين سيدة بيت وش بيكون ردك؟

اكيد بتزعلين وبتقولين وش دخله فيني وهو مايدري عني ولا يعرف عن صفاتي وتصرفاتي

تمنيت انك ماتعمين احد لآنه غلط غلط غلط

انا وغيري رجال فتحوا بيوت وعمروها وتزوجوا والرسول صلى الله عليه وسلم تزووج اكثر من وحدهـ

هل يعني ان الرسول ليس على حق؟ والا ان الرسول ارتكب شي حرام؟

هذي حكمة ربانية خييتي ومانبي ندخل بالدين

مع اني ضد الزواج المتكرر اذا صارت الزوجة وافيه مع زوجها

لكن انك ماتاخذين الا الامثله الششينه انا هنا بكون ضدك لأن تفكيرك متحجر على شي ماله اساس من الوجود

شكرا

انا بكلامي مااقصد احد يعني من المنتدى لكن قصدي الرجال بشكل عام
ثاني شي كيفكم قولوا اللي تقوولون متحجره الخ مو مهم اهم هذا شي في قناعتي وانا مقتنعه فيها
ووجهة نظري وماراح اغيرها انا مااجبت هالكلام من الباب للطاقه جبته من شووفة عيني ومن المجتمع الكااافه
يمكن انتم ماتشووفون اللي اشوووفة في هذه النظريه لكن انا من لب الواقع ياااسااده موب من الخيال
رح الله لايهينك الى المستشفيات النفسيه شف اكثر من فيها رح للجمعية حقوق الانسان ومن اكثر من يطالب بحقه ادخل في عمق المجتمع تجد اني على حق
وبعدين ايززززي خلك ضدي انا اعتبر نفسي ع حق
وبعدين انتم وش قصتكم الا تحطوووني حرمت وحللت والعياااذ بالله انا مسلمه مااني كااافره واعرف الحرام والحلال واعرف الصواب و الخطا انا لو كنت جايبه كلامي من الخيااال لك حق تقووول اللي تقول لكن انا جبته من دراااساات كثيره ماني جاهله اجيب شي ماله وجود ع قوووولتك شي انت جاهل فيه يااابوي ابحث من شااان تتعلم فيه خل منك نظرة ناااس وناظر الى الموضوع بشكل علمي ابحث ثم تعااال قل ياافلانه انتي غلطانه
وليس شرط ان تقتنعوا بكلامي كل واحد وله راااااي

اقتباس المشاركة الأصلية كتبت بواسطة ليل العآشقين نحنُ لانرفض عاداتنا..ولكن يوجد عادات أصبح وجودها يخلق المشاكل ويعصّب الأموُر..في زمن يرفض قياس الأمور بـ غير المنطق.. في الماضي البعيد..لم يكن للمرآءه أيُ حق..وكانت جميع حقوقها مسلوُبه بـ حكم تلك العآدات..أما الأن وبالرغم من استمرار بعض تلك العادات النابعه عن (جهل) إلا اننا نرى أن المراءه والحمدلله بدأت باسترداد بعض حقوقها بشكل عام. ويؤسفني كثيراً أن جيل أبائنا واجدادنا لا يقتنع بما نحاوُل تصحيحه بـ عاداتنا..ونحنُ يصعب علينا إرغامهم على ذلك ولكن يبقى الأمل ب هذآ الجيل الواعي الذي سيكون غداً أب وجد ويوُرثّ عاداته لـ أجيال قادمه..ويجعل الدين والعلم والمنطق هوُ دستوره ودستوُرهم. أخي فهد..موُضوع جميل وهادف..أهنئك على جرءة طرحه تقبل مروُري

ليل العاشقين : أهلا بهذا القلم الرائع
يشرفني تواجدك في هذا المتصفح...
( ويجعل الدين والعلم والمنطق هوُ دستوره ودستوُرهم.)
للأمانه هذه الجملة عن ألف جملة...
وأتمنى في يوم من الأيام أن نراها على أرض الواقع..
أخيرا..
ان كان للمنطق عنوان (فتعبيرك السابق له عنوان يآستآذي)
تحياتي..

صــــــــــــــــــــــــــوت قحــــــــــــــــــــــطان

لاهنـــــــــــــــــــــــت على الـــــــــــطرح الممـــــــــــــــيز

ي سلام عليك كلامك جميل انا معك بكل حرف صراحه لآن المشكلة هذي اصبحت مشكلة ابدية وازليه

يارجال فيه بنات انتحروآ بسبب هذي المشكلة عسى الله يجيرنا
أخوي وزميلي الشاعر رائد العصيمي :
أولا كل شكري وعرفاني على مرورك العطر ومشاركتك الجميلة..
ذكرت (يارجال فيه بنات انتحروآ بسبب هذي المشكلة عسى الله يجيرنا)
يؤلمنا ان تتألم وتبكي واحدة منهن ويجبرنا ذلك ان نتكلم ونكتب ونكتب ...
فكيف ان كان الأمر يصل الى مرحلة الانتحار وليس واحدة بل سمعنا بالكثير...
تحياااتي ..
بالنسبة لكلام اخوي وليد المقاطي

من حيث الموضوع اتوقع المشكلة في البنية الاساسية للعقل عند ذلك الاب

هنالك بعض الاباء ليس لديه تقبل للحضارة او للتغير الجذري في الجيل الجديد وماحصل فيه من انفتاح خطير ويريد ابنائة على شاكله جيلهـ مع انها حلوة وكويسة وحياتهم احلى واجمل من حياتنا هذي الف مرة

لكن الامثله الي انت طرحتها هل ترضى ان زوجتك-اختك-امك تشتغل في مكان فيه رجال

انا ومليون غيري لايرضون لآن غيرتنا ومحافظتنا على بناتنا هي الي تمنعنا ليس اجحاف بحق المرأة لكن خوف من خبث الرجل وقليل والله تلاقي رجال نيتهم خير اذا كلم له انثى ليش ماادري..عشان كذا حنا نحافظ على هذا النهج لكي لايعم الفساد وتكثر الفوضى

هذا رأيي ولكل انسان له رأي
اترك المجال للأستاذ وليد....


اتوقع كلامك قوي جدآ وانتي اخذتي نظرة سلبية في الرجال
واذا تزوج الرجل على حرمته بتقوم القيامه؟ المشكلة الحرمة انها تأخذها اهانه لها وهي بالعكس
الله ماحلل ان الرجل يتزوج 4 الا له حكمة وهو اعلم فيها سبحانه

كلامك جدآ قوي اتمنى انك تتراجعين عنه
اتوقع طال النقاش حول هذا الأمر...
وما أحب ذكره هنا..
وينبغي على الجميع الإلتزام به..
هو :
(اختلاف الرأي لايفسد للود قضية)

اقتباس المشاركة الأصلية كتبت بواسطة مــخــاويــ/ة الذيــب}~ لاتحذفون مشاركتي هذا الرجال هو اللي بداء اسمع انا مااكتب حرف الا عااارفته ووازنته في نفسي وانا اجد كل حرف كتبته صح وعين الصواب هذي نظرتي مثل مالك انت نظره وماني متراجعه وماعندي مانع ازيد ع كلامي بس خوف من الاداره والا علي الطلاق عندي جيش من الحكي ومن الاسباااب والعبر وووو الخ بس لو سمحت لي الاداااااااااااره بالرد عليك ماعندي مانع

اختي : مخاوية الذيب ..
اهلا بك مرة اخرى في متصفحي...
تشرفيني وتنورين متصفحي في أي وقت..
اترك لك المجال مع زميلي الشاعر رائد في النقاش..
تحياااتي..

اقتباس المشاركة الأصلية كتبت بواسطة آهات يعطيك العافيه ع طرح القيم تم تقيم ودي آهات/رهف

يعطيك العافية انتي يارهف على الحضور والمرور والتقييم..
ماننحرم من طلتك يالغالية..
تحيااتي..

اقتباس المشاركة الأصلية كتبت بواسطة غروب الخجل عندما يصبح الكذب .... حينها تظهر فروسية الغدر ... ويكشف عن البرئ غطاء الستر .. يتفنون في أذية خلق الله ... يظهرون ضحكات اللؤم والمكر ... ولكن حسابهم على الجبار .... فهم يمكرون وهو سيمكر عليهم ... هم يخادعونه وهو خادعهم .... لن يصلوا بكذبهم لمكان بعيد .... فهم على وشك السقوط في الجب .... وعندها سيندمون على كسر القلوب .... ولكن متى ذلك عندما يقعوا في شر أعمالهم ... دعيهم فليضحكوا اليوم وأبشرك ببكائهم في الغد ... سيقفون بين يدي الحاكم في أعظم المحاكم ....... عندها ستشهد عليهم ألسنتهم وجوارحهم بما أقترفوا... المسئلة ليست لعبة وهي ليست في حدها كذبة رخيصة... قصدوا بها الدعابة أو المسخرة أو الأستهزاء بخلق الله ...... بل صحائف ستنشر ودواوين ستعرض وميزان سينصب ........ أتركيهم في سكرهم اليوم وأنظريهم في سكراتهم بالغد ...... في يوم لا ينفع فيه مال ولا بنون إلا من أتى الله بقلب سليم.... في يوم لا يغادر فيه الكتاب لا صغيرة ولا كبيرة ...أحصاهـ الله ونسوهـ ... أخذوها على أنها هزل ولعب وسخرية ولكن المفاجأة ستصعقهم يوم غد ... جل ما أطلبه منك هو أن تسامحيهم حتى تنالين بتلك المسامحة أجر من الله.... وأتركي الأمر بينهم وبين خالقهم فهو أعلم بهم أن شاء رحمهم وأن شاء عذبهم .... أعذريني أن كنت قد أثقلت بالكلام ....ولكنني أرى الترهات قد تفشت بين رعاع الناس... تلك مسكينة منكسرة أراها مترددة قد أغلقت على نفسها الأبواب وهي تقول هيت لك ... وتلك أفزعها جبنها وصارت في تناقضات حسية بين مرض الوسواس القهري وبين الخوف ....... وتلك وكأنها رمانة قد نضجت أوشكت على السقوط ولكن أين ستسقط ومن سيلتقطها ببراعة .... وتبقى تلك وتلك وتلك ... والأفضل أن أتوقف هنا حتى لا تكثر الخربشات وأقع في الغلطات وما أنا إلا بشر يوشك أن يلقى ربه.... شكراً لكلماتك المفعمة بالأحاسيس التي تدق على الوتر الحساس وهنا أقول ليس المهم أن نكتب ولكن... ماذا نكتب وكيف نكتب ولمن نكتب ..كيف نعايش ألام الأخرين كيف نعيش معهم نواسيهم نحزن معهم ..... نعالج جروحهم نشفى غليلهم بكلمات العفو والغفران والرحمة والنسيان لتبقى القلوب في سكينة وصلاح... مشكوووووور والله يعطيك الف عافيه

غروب الخجل..
اقف دائما تقديرا واجلالا لما يخطه قلمك..
واردد عند كل رد جملة ذكرتها سابقا:
(التميز له أهله وخاصته)
للامانه لم يكن ماذكرتيه مجرد رد فقط:
بل هو مقاله اخرى يجب ان تاخذ حيزا آخر في الردود والنقاش وقبلهما الشكر والعرفان..
تحياااتي...