ياجعلني بالموت لو كان اخليك .. صور ونبض

ياجعلني بالموت لو كان اخليك .. صور ونبض

ياهيه ياللي مل صوتي وانا ادعيك
وانته مسكر كل اذانيك عني
تبغى تعرف شلون قلبي يناديك
وتبغى تعرف اسباب هالشوق مني
ابسط اصابع يدك ثم ضمها هيك
هذا ترا فالحب كنك وكني
ماتسمع ضلوعك عن البعد تنهيك
ماتسمع ضلوعي بحبك بكني
القلب قلبك والمشاعر تحاكيك
والامنية ماغير وصلك تمني
افز لامن جابوا الناس طاريك
فزة خفوق ن بالهوى ممتحني
قطعت عني كل ذا الوقت وشفيك؟
اخلفت ظن الحب واخلفت ظني
ماني على قطع المواصل مضريك
واليوم سيف الصد منّك طعني
ليتك تخون القلب واصد واجفيك
اقلها بلقى سبب بس خني
حافظ غرامي جعل ربي يعافيك
لو كان وصلك غاب واقفيت عني
ياجعلني بالموت لو كان اخليك
وياجعل قلبك فالغياب متهني


وسلامتكم


نقدكم لها ياكبار الشعراء


رائد

تقييمكم لها

المصدر: الملتقى الجماهيري للشاعر محمد بن فطيس المري

صح الله لسانك .. نص جزل بكل ماتعنيه الكلمه .. عز الله انها راقت لي كثير ..
لا هنت على الجزاله يارائد .. تحياتي لك

صح لسانك رائد
مبدع كالعاده
الله يحفظك يارب

صح لسـانك يالعصيمي

ابداع مو غريب عليك يالشاعر
استمتعت جدآ بما قرآت


رعاك المولى

من جد ررروعه
يسلم بوحك الجميل
وصح لسانك والله
على هالجزله اللي ماتجي الا من شاعر مثلك
اعجبتني حيل حيل

لله درك يالعصيمي
تقبل مروري وتقيمي

تسلم ياخوي رائد
بما اني من كبار الشعار..ههههههه

اجيز القصيده وبقوه وفالك الطيب
قصيده روعه وجعلك للجنه
تستاهل التقييم+++

ياهيه ياللي مل صوتي وانا ادعيك
وانته مسكر كل اذانيك عني
تبغى تعرف شلون قلبي يناديك
وتبغى تعرف اسباب هالشوق مني

لله درك رااائد قصيده في قمه الرووووعه انا اشهد انك شااعر كبير

ربي يعطييك العافيييه ... لك ودي ..

آلله يخليكـ للبدآع
صل آلسآنكـ وآعتلى شآنكـ يآلغـآلي
مشآءآلله عليكـ آبدعت فيـهآ
وهذآ آلشي مآهو غـريب
عليكـ
وشهآدتي آلصرآحه فيكـ مجروحه
تسستآهل آلتقيم
ولآهنت يآشوق آلبنيه

من اجمل واروع ما قرات لك يا رائد

القصيدة لمى تخالج القلب ويهتز لها البدن
هنا تكمن جماليتها

وانا كذلك مع نصك هنا ،،

فلك التحية وخالص التقدير ، وتقييم مستحق +++

صح لسانك واعتلى شانك