ازهموا لي التهامي

ازهموا لي التهامي

من هجوسٍ تبرق وترعد تقول انها الغمامي
ياسلام الله سلام اعم فيــه وفيــــــــه خصـــــــه

ياعرب بالله ماشفتولنا الباشا التهــــــامي
من ثلاث اشهور وانا في رجا اخذ معه حصــه

المصدر: الملتقى الجماهيري للشاعر محمد بن فطيس المري

حياك يا محمد واسف على التاخير لاني ترى دوبي لقيت الموضوع واستلم




من هجوسا كل ماهلَت تروي كل ضامي .. مرحبا ترحيبتن ما بعدها في الحلق غصه

روح الباشا وجامن بعده الرجل النضامي ..عقب ما وطى على غارب حسن تسعين رصه

صباح الخير شعرائنا ..

صباح النور يالمسافر

الله الله حياك الله واستلم ..

صف نياتك ترى المشوار والموضوع سامي
وانت مصري محترف لاجيت تهرج في المنـــصه

بس قلي وش ورى الدخان من لحم وعضامي
يوم صارت قصتك بين العرب ميتين قصـــــــــــه

حياك الله يالمسافر صباح النور والسرور

النوايا صافيه وليا بغيت اخر كلامي ..ويش ابي من خاتمك من بعد ما ضيعت فصه

يامحمد لا تحسبني سروق ولا حرامي ..من سرق يلقا جزاته بكرت المري يقصه

ياعميلي لك مرام ولي معك شوق ومرامي
والكلام ان ماخذيت اكثيره يكفيك نصه

بس قلي ليش ماتمشي معى درب السلامـي
القشر يابيه بصه والسهل عانه وبصه

الليل يا محمد قبل الصلاه

صح السنتكم ياشعار ونحن في الصف